اودھمپور //وزیر برائے جل شکتی ، جنگلات و ماحولیات اور قبائلی امور مسٹر جاوید احمد رانا نے یومِ جمہوریہ کے 76 ویں جشن کی یاد میں بوائیز گورنمنٹ ڈگری کالج اودھمپور میں قومی پرچم لہرایا ۔ وزیر نے پریڈ کا معائینہ کیا اور ڈسٹرکٹ پولیس ، ایس کے پی اے ، آئی ٹی بی پی اور این سی سی کے 32 دستوں کے ذریعہ پیش کردہ مارچ پاسٹ میں سلامی لی ۔ اس موقع پر وزیر نے عوام کو مبارکباد پیش کرتے ہوئے کہا کہ یومِ جمہوریہ ہندوستانی آئین میں شامل جمہوری اقدار کا جشن منانے کا دن ہے ۔ انہوں نے مزید کہا ہندوستان کا آئین جو سب کو انصاف اور مساوات فراہم کرتا ہے ، لوگوں کو معاشی ، تعلیمی اور معاشرتی طور پر مضبوط بنانے میں مدد کرتا ہے ۔ انہوں نے کہا کہ یہ موقع آزادی پسندوں کی قربانیوں اور آئین سازوں کے وژن کی یاد دہانی کا کام کرتا ہے جنہوں نے ایک جامع اور سیکولر ہندوستان کی بنیاد رکھی ۔ انہوں نے کہا ہمیں آئین کی بنیادی اقدار کا دفاع کرنے میں سب سے آگے رہنا ہو گا جو جمہوریہ کی وضاحت کرتا ہے اور ہمارے اجتماعی مستقبل کی تشکیل کرتا ہے ۔ انہوں نے مزید کہا کہ آئین کے خیال اور نظریات کو برقرار رکھنا ہمارے آئین کو حقیقی خراجِ تحسین پیش کرے گا ۔
جاوید رانا نے ہندوستان کے آزادی پسند جنگجوؤں کی طرف سے کی جانے والی ان گنت قربانیوں کو بھی خراجِ عقیدت پیش کیا ۔ انہوں نے ہر ایک کی حوصلہ افزائی کی کہ وہ ملک سازی کیلئے خاص طور پر آب و ہوا کی تبدیلی کو دور کرنے اور پائیدار ترقی میں فعال طور پر اپنا حصہ ڈالیں ۔ وزیر موصوف نے مختلف شعبوں میں ضلعی انتظامیہ کی طرف سے ریکارڈ کی گئی کامیابیوں پر بھی روشنی ڈالی ۔ اس تقریب میں ڈی ڈی سی چئیر پرسن اودھمپور لال چند ، ممبر قانون ساز اسمبلی اودھمپور ویسٹ پون کمار گپتا ، ڈی ڈی سی کے وائس چئیر پرسن جوہی منہاس پٹھانیہ ، ڈی آئی جی اودھمپور ریاسی رینج ، ڈپٹی کمشنر اودھمپور ، ایس ایس پی ، اے ڈی ڈی سی اور ضلعی انتظامیہ ، پولیس ، آرمی ، بی ایس ایف ، سی آر پی ایف ، ائیر فورس کے افسران بھی موجود تھے ۔
