جے کے ٹی پی او جنوری میں ایگرو اینڈ فوڈ فیسٹول اور جموںوکشمیر ٹریڈ شو 2025 کی میزبانی کرے گا
کولکتہ / /کولکتہ کے سائنس سٹی گراؤنڈ میں 20 ؍دسمبر2024 ء سے 6 ؍جنوری 2025 ء تک منعقد ہوئے 23 ویں اِنڈیا اِنٹرنیشنل میگا ٹریڈ فیئر (آئی آئی ایم ٹی ایف) میں جموں و کشمیر پویلین، علاقائی دستکاری، مستند مصنوعات اور اُبھرتے ہوئے کاروباری صلاحیتوں کے شاندار مظاہرہ کے ساتھ سب سے زیادہ مقبول اور مشہور پرکشش مقامات میں سے ایک کے طور پر اُبھرا۔جموں و کشمیر ٹریڈ پروموشن آرگنائزیشن (جے کے ٹی پی او) کی جانب سے سپانسر کئے گئے اس پویلین میں 21 مخصوص سٹال لگائے گئے تھے جن میں خواتین اَنٹرپرینیورز کا تعاون بھی شامل تھااورایک ایوارڈ وصول کنندہ نے اپنے سٹال پر لائیو پشمینہ بُنائی کی نمائش کی ۔اِس پلیٹ فارم نے جموں و کشمیر کے کاریگروں اور کاروباری اِداروں کو اَپنی منفرد مصنوعات کی نمائش کرنے کی اِجازت دی۔اِس نمائش میں پشمینہ شال، سوزنی کڑھائی والے ٹیکسٹائل، جی آئی ٹیگ والے کشمیری زعفران، خشک میوہ جات، ہاتھ سے کڑھائی کی گئی فرن اور جموں سے تعلق رکھنے والے شہد، اناردانہ اور راجماش جیسی نامیاتی غذائی مصنوعات سمیت اعلیٰ معیار کی اشیأ کی مختلف اقسام پیش کی گئیں۔ ان روایتی ، محتاط طریقے سے تیار کردہ مصنوعات نے لوگوں اور سیاحوں کی خاصی توجہ حاصل کی۔پویلین نے لوگوں کوکاریگروں اور مہمانوں کے مابین براہ راست بات چیت کو فروغ دیتے ہوئے اَپنی نوعیت کی منفرد اشیأ خریدنے کا موقعہ فراہم کیا۔ اِس مصروفیت اورشاندار تجربے نے نہ صرف مصنوعات کی قدر میں اِضافہ کیا بلکہ جموں و کشمیر کے بھرپور فنی ورثے کو سراہا گیا۔یہ ایونٹ ایک زبردست کامیاب ثابت ہوا جس نے تقریباً 1.3 کروڑ روپے کی سیلز حاصل کرنے اور مستقبل کے آرڈرز کے لئے 1,900 سے زیادہ کاروباری برتری حاصل کی۔یہ غیر معمولی ردِّعمل کشمیری مصنوعات کی بڑھتی ہوئی مانگ کو اُجاگر کرتا ہے اور ملکی اور بین الاقوامی منڈیوں میں خطے کی دستکاری کی بڑھتی ہوئی پہچان کو اُجاگر کرتا ہے۔آئی آئی ایم ٹی ایف 2024 ء میں 20 بھارتی ریاستوں اور دنیا بھر کے 15 ممالک کے نمائش کنندگان کی نمائندگی کرنے والے زائد از 1000 سٹال لگائے گئے تھے اور جموں و کشمیر پویلین لوگوں کے لئے ایک اہم پُرکشش مقام تھا۔جے کے ٹی پی او نے دہلی میں آئی آئی ٹی ایف 2024 ء، امرتسر میں پی آئی ٹی ای ایکس ، چنڈی گڑھ میں سی آئی آئی میلہ ، نئی دہلی میں ایم ایس ایم ای ایکسپو وغیرہ جیسے اہم پروگراموں میں کامیابی سے حصہ لیا تھا۔ اِس کے علاوہ جے کے ٹی پی او نے جموں و کشمیر ٹیکسٹائل سورسنگ فیئر 2024، جموں و کشمیر ٹریڈ شو 2024 (سمر ایڈیشن) اور باسمتی فیسٹول 2024ء کا اِنعقاد کیا تاکہ جموں و کشمیر کی اِقتصادی صلاحیت کو مؤثر طریقے سے ظاہر کیا جاسکے۔جے کے ٹی پی اوآنے والے مہینوں میں ایم آئی ٹی ای ایکس ممبئی، سورج کنڈ میلہ اور بھارت ٹیکس 2025 جیسے بڑے پروگراموں میں حصہ لے کر اَپنی رسائی کو بڑھا دے گا۔ اِس کے علاوہ یہ 22 ؍جنوری2025 ء کو دوسرے ایگرو اینڈ فوڈ فیسٹول اور 31 ؍جنوری 2025 ء کو جے کے ٹریڈ شو 2025 ء (سرمائی ایڈیشن) کی میزبانی کرے گا۔
