میری حکومت نے ہمیشہ ملک کے مفاد کو سب سے مقدم رکھا، پالیسی حکمت عملی کو مکمل طور پر تبدیل کرنے کیلئے پرعزم / مرمو
سرینگر / / دفعہ 370 کی منسوخی کے بعد جموں و کشمیر میں حالات گئے کی بات کرتے ہوئے صدر جمہوریہ ہند درپدی مرمو نے کہا کہ کشمیر تک براہ راست ٹرین کو حکومت کی بڑی کامیابی ہے ۔انہوںنے مزید کہا کہ ہندوستان جلد ہی دنیا کی تیسری سب سے بڑی معیشت بن جائے گا۔ سی این آئی کے مطابق کے مطابق سال رواں کے بجٹ اجلاس کے آغاز کے موقع پر پارلیمنٹ کے مشترکہ اجلاس سے خطاب کرتے ہوئے صدر جمہوریہ ہند در پدی مرمو نے کہا کہ دفعہ 370 کی منسوخی کے بعد جموں و کشمیر میں اہم تبدیلیاں آئی ہیں۔ انہوںنے کہا ’’پچھلے چھ مہینوں میں، حکومت نے مستقبل کے بنیادی ڈھانچے میں ریکارڈ سرمایہ کاری کی ہے‘‘۔صدر نے کہا ’’ مجھے آپ کو یہ بتاتے ہوئے خوشی ہو رہی ہے کہ ادھم پورسرینگربارہمولہ ریل لنک پروجیکٹ مکمل ہو گیا ہے، اور اب ملک کشمیر سے کنیا کماری تک ریلوے کے ذریعے منسلک ہو جائے گا۔ اس منصوبے کے تحت دریائے چناب پر دنیا کا بلند ترین ریل پل تعمیر کیا گیا ہے‘‘۔قومی سلامتی پر صدر نے کہا کہ حکومت نے ملکی سرحدوں کی حفاظت اور داخلی سلامتی کو یقینی بنانے کیلئے تاریخی اقدامات کیے ہیں۔انہوں نے دفاعی شعبے میں ہونے والی پیش رفت پر بھی بات کی۔ صدر مرمو نے کہا کہ حکومت دفاعی شعبے میں میک ان انڈیا سے ’میک فار دی ورلڈ‘ کی طرف بڑھ گئی ہے۔ملک کے مستقبل کے بارے میں اپنی حکومت کے ویژن کو پیش کرتے ہوئے صدر دروپدی مرمو نے کہا کہ ہندوستان جلد ہی دنیا کی تیسری سب سے بڑی معیشت بن جائے گا۔ انہوں نے کہا کہ ہندوستان ہندوستانی متوسط طبقے کے خوابوں کو پورا کرنے کیلئے پرعزم ہے۔ خواتین کی ترقی، ملک کے نوجوانوں پر خصوصی توجہ مرکوز کرتا ہے۔انہوں نے کہا ’’ میری حکومت نے نوجوانوں کی تعلیم اور ان کے لیے روزگار کے نئے مواقع پیدا کرنے پر خصوصی توجہ دی ہے۔انہوں نے کہا کہ نوجوان مصنوعی ذہانت اور ٹیکنالوجی کو اپنانے کے شعبوں میں دنیا کو راستہ دکھا رہے ہیں’’۔ انہوں نے کہا’’آج ہمارے نوجوان اسٹارٹ اپس سے لے کر کھیلوں تک ہر میدان میں ملک کا نام روشن کر رہے ہیں۔ہمارا مقصد ہندوستان کو ایک عالمی اختراعی پاور ہاوس بنانا ہے.اپنی حکومت کی متعارف کردہ اسکیموں کا خاکہ پیش کرتے ہوئے، صدر نے کہا’’حکومت نے ملک کی سرحدوں کی حفاظت اور داخلی سلامتی کو یقینی بنانے کے لیے کئی تاریخی اقدامات کیے ہیں۔ میک ان انڈیا سے، ہم دنیا کے لیے بنانے کے لیے آگے بڑھے ہیں۔ انہوں نے کہا ’’ ہندوستان کی خارجہ پالیسی کا دائرہ ’ماضی کی مجبوریوں‘سے بہت آگے نکل گیا ہے اور نئی دہلی نے عالمی تنازعات اور اس دور میں بھی مضبوطی سے ملک کے مفادات کو دنیا کے سامنے رکھا۔ خطاب کے دوران انہوں نے کہا ’’عالمی تنازعات کے اس دور میں بھی، میری حکومت نے مضبوطی سے ہندوستان کے مفادات کو دنیا کے سامنے رکھا ہے۔ آج ہندوستان کی خارجہ پالیسی کا دائرہ ماضی کی رکاوٹوں سے بہت آگے نکل گیا ہے۔ ‘‘ مرمو نے کہا کہ ملک بھر میں پروگراموں کے انعقاد کے ذریعے دنیا کو ہندوستان کی حقیقی صلاحیتوں سے متعارف کرایا گیا اور جموں و کشمیر اور شمال مشرق نے پہلی بار اتنے بڑے بین الاقوامی واقعات کا مشاہدہ کیا۔انہوں نے کہا ’’ پچھلے 10 سالوں میں، سوچ کا ایک اور روایتی انداز بدلا ہے، اس سے پہلے، سفارت کاری سے متعلق واقعات دہلی کی راہداریوں تک ہی محدود تھے۔ میری حکومت نے اس میں عوام کی براہ راست شرکت کو بھی یقینی بنایا ہے‘‘ ۔ حکومت کو ایک مستحکم، نڈر اور فیصلہ کن قرار دیتے ہوئے، مرمو نے کہا،’’میری حکومت بڑے خوابوں کو پورا کرنے کے لیے کام کر رہی ہے۔انہوں نے کہا ’’میری حکومت نے معاشرے کے ہر طبقے کیلئے بغیر کسی امتیاز کے کام کیا ہے۔
