آیوشمان بھارت کے اعضاء کے عطیہ کی رجسٹری پر خود کو رجسٹر کرایا
جموں//لفٹینٹ گورنر مسٹر منوج سنہا نے آج وزارت صحت اور خاندانی بہبود حکومت ہند کی آیوشمان بھارت آرگن ڈونیشن رجسٹری ( notto.abdm.gov.in ) پر رجسٹر کر کے اعضاء عطیہ کرنے کا عہد لیا ۔ ریاستی اعضاء اور ٹشو ٹرانسپلانٹ آرگنائیزیشن ( ایس او ٹی ٹی او ) کے نمائندوں ، ڈاکٹر الیاس شرما نوڈل افسر، ڈاکٹر سنجیو پوری جوائینٹ ڈائریکٹر اور عرفان احمد لون ٹرانسپلانٹ کوآرڈینیٹر نے راج بھون کا دورہ کیا اور لفٹینٹ گورنر کو عہد نامہ سونپا ۔ اس موقع پر سندیپ جین صدر اور بھارتیہ جین سنگٹھن ، جموں و کشمیر کی جنرل سیکرٹری مونیکا جین بھی موجود تھیں ۔ اس سے قبل لفٹینٹ گورنر نے پچھلے کل یعنی 19 جنوری کو بھارتیہ جین سنستھان کے زیر اہتمام ایک پروگرام کے دوران اعضاء کے عطیہ کیلئے اپنی رضا مندی ظاہر کی تھی ۔
