نئے ریلوے ڈویژن کا قیام اور بارہمولہ تک ریل نیٹ ورک روزگار کے مواقع میں انقلاب لائے گی/ ترون چھگ
سرینگر // مودی سرکار نے جموں و کشمیر کو اپنے لوگوں کی امنگوں کو پورا کرتے ہوئے مواقع اور ترقی کے خطہ میں تبدیل کر دیا ہے کی بات کرتے ہوئے بی جے پی کے قومی جنرل سیکرٹری ترون چھگ نے اس بات پر زور دیا کہ ایک نئے ریلوے ڈویژن کا قیام اور بارہمولہ تک ریل نیٹ ورک کی توسیع مرکز کے زیر انتظام علاقے میں سفر، مال کی نقل و حمل، کاروباری مواقع اور روزگار کے مواقع میں انقلاب لائے گی۔سی این آئی کے مطابق بی جے پی کے قومی جنر ل سیکرٹری ترون چھگ نے اس بات پر زور دیا کہ ایک نئے ریلوے ڈویژن کا قیام اور بارہمولہ تک ریل نیٹ ورک کی توسیع مرکز کے زیر انتظام علاقے میں سفر، مال کی نقل و حمل، کاروباری مواقع اور روزگار کے مواقع میں انقلاب لائے گی۔چھگ نے کہا’’وزیر اعظم نریندر مودی نے جموں و کشمیر میں سڑک اور ریل کے بنیادی ڈھانچے کو مضبوط بنا کر ترقی کے ایک دور کا آغاز کیا ہے، جس سے سیاحت کو براہ راست تقویت ملی ہے۔ ان کے بصیرت انگیز نقطہ نظر نے جموں و کشمیر کو دہشت گردی کے دارالحکومت سے سیاحتی دارالحکومت میں تبدیل کر دیا ہے۔ ‘‘ انہوں نے کہا کہ نئے ریلوے ڈویژن کے افتتاح سے مقامی نوجوانوں کیلئے روزگار کے اہم مواقع پیدا ہوں گے اور تجارت اور علاقائی معیشت کو بہت ضروری فروغ ملے گا۔چھگ نے کہا’’سڑک اور ریل نیٹ ورک کی ترقی نے نہ صرف آنے جانے کے تجربے میں اضافہ کیا ہے بلکہ منزلوں کے درمیان مال برداری کی نقل و حرکت کو بھی بہتر بنایا ہے، اخراجات اور نقل و حمل کے وقت کو کم کیا ہے‘‘۔انہوں نے مزید کہا کہ پھلوں اور سبزیوں جیسی خراب ہونے والی اشیاء کی موثر نقل و حمل ذخیرہ اندوزی اور بلیک مارکیٹنگ کو روکے گی جبکہ مختلف شہروں میں ضروری اشیا کی قیمتوں کو مستحکم کرے گی۔ انہوں نے کہا کہ 40ہزار کروڑ روپے کی تخمینی سرمایہ کاری کے ساتھ ریل نیٹ ورک، جموں اور سرینگر کی ترقی کو جڑواں اقتصادی مرکز کے طور پر، کاروبار کیلئے نئی راہیں کھولے گا اور موجودہ منصوبوں کو تیز کرے گا‘‘۔
