جموں و کشمیر میں دہشت گردی کے خلاف جنگ آخری مرحلے میں

آرٹیکل 370 صرف چار پانچ خاندانوں کا ایجنڈا تھا۔ وزیر اعظم نریندر مودی

سرینگر///وزیر اعظم نریندر مودی نے بدھ کے روز زور دے کر کہا کہ جموں و کشمیر میں دہشت گردی کے خلاف جنگ آخری مرحلے میں ہے، اور دہشت گردی کے باقی ماندہ نیٹ ورک کو تباہ کرنے کے لیے کثیر الجہتی حکمت عملی اپنائی گئی ہے۔راجیہ سبھا میں خطاب کرتے ہوئے وزیر اعظم نے زور دے کر کہا کہ گزشتہ 10 سالوں میں مرکز کے زیر انتظام علاقے میں دہشت گردی کے واقعات میں کمی آئی ہے۔وزیر اعظم نے کہا کہ جموں و کشمیر میں آرٹیکل 370 کو ہٹانے سے زیادہ اتحاد کا احساس ہے، اپنائیت کا احساس بڑھ رہا ہے اور اس کا نتیجہ انتخابات اور سیاحت میں اضافے میں نظر آرہا ہے۔آرٹیکل 370 صرف چار پانچ خاندانوں کا ایجنڈا تھا، یہ نہ کشمیر کے لوگوں کا ایجنڈا تھا اور نہ ہی ملک کے لوگوں کا ایجنڈاتھا بلکہ کچھ خاندانوں نے اسے اپنے مفاد کیلئے استعمال کیا تھا ۔ وائس آف انڈیا کے مطابق وزیر اعظم نریندر مودی نے بدھ کے روز زور دے کر کہا کہ جموں و کشمیر میں دہشت گردی کے خلاف جنگ آخری مرحلے میں ہے، اور دہشت گردی کے باقی ماندہ نیٹ ورک کو تباہ کرنے کے لیے کثیر الجہتی حکمت عملی اپنائی گئی ہے۔راجیہ سبھا میں خطاب کرتے ہوئے وزیر اعظم نے زور دے کر کہا کہ گزشتہ 10 سالوں میں مرکز کے زیر انتظام علاقے میں دہشت گردی کے واقعات میں کمی آئی ہے۔انہوں نے کہا کہ دہشت گردی اور علیحدگی پسندی ختم ہو رہی ہے اور جموں و کشمیر کے شہری اس لڑائی کی قیادت کر رہے ہیں۔پی ایم مودی نے کہا، “جموں و کشمیر میں دہشت گردی کے خلاف ہماری لڑائی، ایک طرح سے، آخری مرحلے میں، آخری مرحلے میں ہے۔ ہم وہاں دہشت گردی کے باقی ماندہ نیٹ ورک کو ختم کرنے کے لیے کثیر الجہتی حکمت عملی کے ساتھ آگے بڑھ رہے ہیں۔صدر کے خطاب پر شکریہ کی تحریک کا جواب دیتے ہوئے وزیراعظم نے کہا کہ گزشتہ کئی دہائیوں کے دوران بند، ہڑتالیں، دہشت گردی کی دھمکیاں اور بم دھماکوں کی کوششیں جمہوریت پر ایک سیاہ سایہ کی طرح رہی ہیں۔انہوں نے کہا، اس بار لوگوں نے آئین پر اٹل اعتماد کے ساتھ اپنی قسمت کا فیصلہ کیا ہے۔ میں خاص طور پر جموں و کشمیر کے ووٹروں کو مبارکباد دیتا ہوں۔انہوں نے یہ بھی نوٹ کیا کہ سیاحتی سرگرمیاں بڑھ رہی ہیں اور نئے ریکارڈ بنا رہی ہیں اور سرمایہ کاری بھی بڑھ رہی ہے۔پی ایم مودی نے اس بات پر روشنی ڈالی کہ جموں و کشمیر میں حالیہ لوک سبھا انتخابات میں ووٹنگ کے اعداد و شمار گزشتہ چار دہائیوں کے ریکارڈ کو توڑنے والے ہیں۔”وہ ہندوستان کے آئین، ہندوستان کی جمہوریت، ہندوستان کے الیکشن کمیشن کو قبول کرتے ہیں۔ یہ ایک بہت بڑی کامیابی ہے۔وزیر اعظم نے کہا کہ جموں و کشمیر میں آرٹیکل 370 کو ہٹانے سے زیادہ اتحاد کا احساس ہے، اپنائیت کا احساس بڑھ رہا ہے اور اس کا نتیجہ انتخابات اور سیاحت میں اضافے میں نظر آرہا ہے۔آرٹیکل 370 صرف چار پانچ خاندانوں کا ایجنڈا تھا، یہ نہ کشمیر کے لوگوں کا ایجنڈا تھا اور نہ ہی ملک کے لوگوں کا ایجنڈا، اپنے فائدے کے لیے انہوں نے 370 کی ایسی دیوار کھڑی کر دی تھی اور کہا کرتے تھے۔ انہوں نے کہاکہ 370 کو ہٹایا جائے گا تو آگ لگ جائے گی… آج یہ سچ ہو گیا ہے کہ 370 ہٹانے کے بعد کشمیری عوام میں اتحاد کا جذبہ بڑھ رہا ہے اور اس کا سیدھا نتیجہ ہے۔ انتخابات، سیاحت میں بھی نظر آتا ہے۔وزیر اعظم نے کہاکہ کشمیر کے لوگوں نے جی 20 سربراہی اجلاس سے متعلق تقریبات کے دوران مندوبین کا گرمجوشی سے خیر مقدم کیا۔مرکز کے زیر انتظام جموں و کشمیر کے سری نگر، بارہمولہ اور اننت ناگ-راجوری پارلیمانی حلقوں میں اس ماہ کے شروع میں مختلف مراحل میں ہونے والے لوک سبھا انتخابات میں ریکارڈ ٹرن آؤٹ دیکھا گیا۔