ایک امریکی عدالت نے میرین کور(یو ایس ایم سی) کو حکم دیا ہے کہ وہ بھرتی ہونے والے سکھ مذہب سے تعلق رکھنے والے اہلکاروں کو داڑھی رکھنے اور پگڑیاں پہننے کی اجازت دیں۔خبر رساں ادارے اے ایف پی کے مطابق عدالت نے جمعے کو امریکی بحریہ کی ایلیٹ یونٹ کے اس دعوے کو مسترد کرتے ہوئے کہ مذہبی استثنیٰ کی اجازت دینے سے ہم آہنگی کم ہو گی، یہ حکم جاری کیا۔واضح رہے کہ امریکی فوج، بحریہ، فضائیہ اور کوسٹ گارڈز اور کئی غیرملکی افواج میں پہلے ہی سکھ مت کے مذہبی تقاضوں کا خیال رکھا جاتا ہے۔سکھ مت کا عقیدہ پانچ صدیاں قبل جنوبی ایشیا میں ظہور پذیر ہوا تھا جو مردوں کو بال کاٹنے یا داڑھی تراشنے سے منع کرتا ہے اور اس میں مردوں کے لیے پگڑی پہننا لازمی قرار دیا گیا ہے۔لیکن امریکی میرین کور نے گزشتہ برس بھرتی ہونے کے لیے ٹیسٹ دینے والے تین سکھوں کو 13 ہفتوں کی بنیادی تربیت اور ممکنہ جنگی حالات کے دوران داڑھی بڑھانے سے متعلق ضوابط میں میں چھوٹ دینے سے انکار کر دیا تھا۔میرین کور کی جانب سے کہا گیا تھا کہ یہ تینوں افراد اپنی داڑھی اور پگڑیاں ٹریننگ کے سوا برقرار رکھ سکتے تھے۔اس حوالے سے میرین کور کی قیادت کی دلیل یہ تھی کہ سپاہیوں میں مشترکہ قربانی کا جذبہ بیدار کرنے کی جانب ’نفسیاتی تبدیلی‘ کے لیے بھرتی ہونے والوں سے ’ان کی انفرادیت الگ کرنے‘ کی ضرورت ہے۔واشنگٹن میں امریکی کورٹ آف اپیلز کے تین ججوں کے بنچ نے اس میرین کور کی اس دلیل سے اختلاف کرتے ہوئے کہا کہ میرینز نے کوئی دلیل پیش نہیں کی کہ آیا داڑھی اور پگڑیاں حفاظتی لوازمات یا جسمانی تربیت میں رکاوٹ ڈالتی ہیں۔عدالت نے کہا کہ میرینز نے بعض حالات میں مردوں کو داڑھی مونڈنے سے مستثنیٰ قرار دیا ہے اور خواتین کو اپنے بالوں کے انداز کو برقرار رکھنے اور بڑے پیمانے پر ٹیٹو(’جو کہ انفرادی شناخت کا عمدہ اظہار ہے‘) بنانے کی اجازت دی ہوئی ہے۔جج پیڑیسیا ملیٹ اپنے فیصلے میں لکھا ’تربیت کے دوران مختلف پس منظر کے افراد میں ہم آہنگی پیدا کرنے کی ضرورت کے باوجود بھی انفرادیت کی کچھ بیرونی علامات کا لحاظ کیا جا سکتا ہے۔‘عدالت نے اپنے فیصلے میں یہ نشاندہی بھی کی کہ داڑھی کے ضوابط 1976 سے ہیں۔ بالوں والے میرینز سے ریوولوشنری وار کے زمانے سے لے کر جدید دور تک کوئی مسئلہ نہیں ہے۔
میرا ماننا ہے کہ روہت اور کوہلی کو 2027کا ورلڈ کپ کھیلنا چاہیے، دونوں کی کارکردگی انتہائی اہم ہوگی:مدن لال
’ایران گیس اور حیاتیاتی اسلحوں کے ذریعہ امریکہ پر حملے کی تیاری کر رہا‘، ٹرمپ نے کیا خدشے کا اظہار
ایرانی مذہبی رہنما آیت اللّٰہ وحید خراسانی کا108 برس کی عمر میں انتقال
ایران سے متعلق پالیسی پر میرا ٹرمپ سے کوئی اختلاف نہیں:وینس
گرین کارڈ کے حصول کیلئے قواعد مزید سخت کرنے کی تجویز
روہنگیابرادری کی جینیاتی جڑیں مشرقی جنوبی ایشیا سے جڑی ہیں
عیدالاضحی کی تقریب منسوخ کرانے پر گورنر ٹیکساس کیخلاف مقدمہ
جینسن ہوانگ کا عہدہ دوبارہ بحال نہیں ہوگا:اینویڈیا
’’ اعظم خان کو ضمانت پر رہنے دیں،آسمان نہیں گرے گا‘‘
ایس آئی آر میں بے ضابطگیوں کا الزام لگانے والی درخواستوں کی سماعت 9 دسمبر کو کرے گی










