سری نگر// صدرجمہوریہ ہندرام ناتھ کووند نے کشمیرکوفلسفیوں ،مفکروں اورامن کے علمبرداروں کی سرزمین اورمختلف ثقافتوں کا ایک اہم مقام قرار دیتے ہوئے کہاکہ قدامت پسندی اورتشددکشمیریت اورکشمیری ثقافت کیلئے اجنبی رہی ہے۔صدر جمہوریہ نے ’ کشمیر کو روزاول سے ہی ملک کیلئے امید کی ایک کرن‘ قرار دیتے ہوئے کہا کہ کشمیر کے ثقافتی ا و رروحانی اثرات پورے ملک پر مرتسم ہوئے ہیں۔انہوں نے تشددکے واقعات کوتلخ حقیقت اوربدقسمتی سے تعبیر کرتے ہوئے کہاکہ کشمیری عوام روزاول سے ہی امن پسند،انسان دوست،مذہبی طورپر روادار اور باہمی قبولیت پرکاربندرہے ہیں ۔رام ناتھ کووند نے اس یقین کااظہارکیاکہ کشمیر بہت جلد ’ہندوستان کی عظمت تاج‘کے طور پر اپنا صحیح مقام حاصل کرے گا۔جے کے این ایس کے مطابق صدرجمہوریہ ہندرام ناتھ کووند نے کشمیرکی سب سے بڑی دانش گاہ کشمیریونیورسٹی کے19ویں سالانہ جلسہ تقسیم اسنادیاسالانہ کنووکیشن سے خطاب کرتے ہوئے منگل کے روز کہا کہ کشمیر ہندوستان کی عظمت تاج کے طور پر اپنا صحیح مقام حاصل کرنے کا پابند ہے اور مرکزی خطے کی نوجوان نسل یقینا اس خواب کو پورا کرے گی۔صدر رام ناتھ کووند نے وادی کو زمین پر ایک جنت کی حیثیت سے دیکھنے کے اپنے خواب کاذکرکرتے ہوئے کہا کہ میں جموں و کشمیر کی نوجوان نسل پر اس خواب کو پورا کرنے کیلئے مکمل طور پر پابند ہوں ،جس کا مجھے یقین ہے کہ جلد سے جلد سچ ہوجائیںاورکشمیرہندوستان کی عظمت شان کی حیثیت سے اپنا صحیح مقام حاصل کرنے کا پابند ہے۔ہندوستانی فلسفہ کی تاریخ لکھنے میں کشمیر کی شراکت کا حوالہ دیتے ہوئے ،صدر رام ناتھ کووند نے کہاکہ’’ رگوید کا سب سے قدیم نسخہ کشمیر میں لکھا گیا تھا‘‘ ،اورکشمیرکی سرزمین فلسفے کی ترقی وخوشحالی کیلئے سب سے زیادہ سازگار خطہ ہے۔انہوں نے کشمیر کو مختلف ثقافتوں کا ایک اہم مقام قرار دیتے ہوئے زور دیا کہ ہر کوئی یہ دیکھ سکتا ہے کہ کشمیر فرقہ وارانہ ہم آہنگی اور پرامن بقائے باہمی کا نمونہ کس طرح مہیا کرتا ہے۔انہوں نے کہاکہ اس سرزمین پر آنے والے تقریباً تمام مذاہب نے کشمیریات کی ایک انوکھی خصوصیت کو قبول کیا جس نے قدامت پسندی کو ختم کردیا اور برادریوں میں رواداری اور باہمی قبولیت کی حوصلہ افزائی کی۔صدر جمہوریہ کا کہنا تھا کہ کشمیر میں زمانہ قدیم سے ہی مختلف مذہبوں کے لوگ مل جل کر رہے ہیں لیکن بدقسمتی سے یہاں کی اس غیر معمولی مذہبی رواداری کو ختم کرنے کی کوشش کی گئی۔صدرجمہوریہ ہند نے کشمیرمیں پرتشدد واقعات کے بارے میں تشویش کا اظہار کرتے ہوئے کہا کہ وادی کی روزانہ کی حقیقت بننے والا تشدد ’بدقسمتی‘ہے۔رام ناتھ کووند نے مزید کہا کہ یہ کبھی بھی ’کشمیریات‘ کا حصہ نہیں تھا۔صدرجمہوریہ ہندرام ناتھ کووند نے کہاکہ ’’ تشدداورقدامت پسندی کشمیری ثقافت کیلئے اجنبی ہے‘‘۔صدر کووند نے کہا کہ غیروں نے تشددکے ذریعے کشمیر پر مسلط ہونے کی کوشش کی جس (تشدد)کو ہم ایک عارضی وائرس ہی قرار دے سکتے ہیں جو جسم پر حملہ آور ہوتا ہے۔۔انہوں نے کشمیر کو مختلف ثقافتوں کا ایک اہم مقام قرار دیتے ہوئے زور دیا کہ ہر کوئی یہ دیکھ سکتا ہے کہ کشمیر فرقہ وارانہ ہم آہنگی اور پرامن بقائے باہمی کا نمونہ کس طرح مہیا کرتا ہے ۔انہوں نے کہاکہ تشددکو ایک عارضی عمل کہا جاسکتاہے،جو ایک ایسے وائرس کی طرح جو جسم پر حملہ کرتا ہے اور اسے پاک کرنے کی ضرورت ہے۔ صدر رام ناتھ کووند نے کہا کہ اب کشمیرکی سرزمین کی کھوئی ہوئی شان کو دوبارہ حاصل کرنے کیلئے ایک نئی شروعات اور پرعزم کوششیں کی جارہی ہیں۔انہوں نے کہاکہ جمہوریت کو تمام اختلافات کو ختم کرنے کیلئے ایک آلے کے طور پر تبدیل کرتے ہوئے شہریوں کی بہترین صلاحیتوں کو بھی سامنے لانا ۔صدرجمہوریہ کاکہناتھاکہ جمہوریت آپ کو اپنا مستقبل ، ایک پرامن اور خوشحال بنانے کی اجازت دیتا ہے۔ خاص طور پر نوجوانوں اور خواتین کی اس میں مضبوطی ہے اور مجھے یقین ہے کہ وہ زندگی کی تعمیر نو اور کشمیر کی تعمیر نو کیلئے اس موقع کو نہیں چھوڑیں گے۔انہوں نے مزید کہاکہ اب جبکہ کشمیر میں ایک نئی شروعات ہوگئی ہے ، تونئے امکانات کھل رہے ہیں۔ صدرجمہوریہ ہندرام ناتھ کووند نے کشمیری نوجوانوں سے مخاطب ہوکرکہاکہ پورا ہندوستان آپ کو قابل ستائش اور فخر سے دیکھ رہا ہے۔ سیول سروس امتحانات سے لے کر کھیلوں اور کاروباری سرگرمیوں تک کشمیری نوجوان متعدد شعبوں میں نئی بلندیاں چھورہے ہیں۔اپنے خطاب کے دوران ایکسیلنس کے2 مراکز کے قیام کیلئے کشمیریونیورسٹی کی تعریف کرتے ہوئے ، صدر رام ناتھ کووندنے کہاکہ یونیورسٹی آف کشمیر نے اپنی اہمیت کے حامل2 مراکز کے قیام کے ساتھ ہی اس کی سر میں ایک اور پنکھ شامل کیا ہے۔ ایک گلیشولوجی سے وابستہ ہے ، اور دوسرا ہمالیائی جیو ویودتا دستاویزات ، جیو امکان اور تحفظ کیلئے۔انہوں نے مزید کہاکہ مجھے یقین ہے کہ یہ 2سینٹرز آف ایکسیلنس اور لیبارٹری کشمیر کی مدد کریں گی اور دنیا کو آب و ہوا کے چیلنجوں سے نمٹنے اور فطرت کی پرورش میں بھی راہ دکھائیں گے۔
