نئی دہلی/یو این آئی//وزیر دفاع راجناتھ سنگھ نے دہشت گردی کو جڑ سے اکھاڑ پھینکنے کے حکومت کے عزم کا اعادہ کرتے ہوئے ان بہادر جنگجوؤں کو خراج عقیدت پیش کیا جن کی بے مثال جرات اور غیر متزلزل حوصلے نے ‘آپریشن سندور’ کو ہندوستان کی فوجی تاریخ میں سنہرے باب کے طور پر رقم کر دیا ہے ۔وزیر دفاع نے فوجیوں کی شجاعت، لگن اور حب الوطنی کی ستائش کی اور کہا کہ ملک کی خدمت پہلے کے جذبے نے قدیم زمانے سے لے کر ‘آپریشن سندور’ جیسی عصری مہمات تک ہندوستان کی فوجی روایات کی پہچان رہا ہے ۔ انہوں نے کہا کہ دفاعی افواج کی بہادری میدانِ جنگ سے باہر بھی پھیلی ہوئی ہے ، کیونکہ وہ ملک اور بیرون ملک قدرتی آفات کے دوران سب سے پہلے امداد پہنچانے والے کے طور پر انسانی خدمات انجام دیتے ہیں۔ انہوں نے کہا کہ ہمارے سپاہی اپنے لوگوں کی حفاظت کیلئے ہتھیار اٹھاتے ہیں، اور بحران کے وقت ضرورت مندوں تک خوراک اور ادویات پہنچاتے ہیں۔
