ہر شہری کو قوم کے مقاصد کیلئے کام کرنا چاہیے،بھارت جمہوریت کی ماں ،تنوع اس کی طاقت :نریندرامودی
نئی دہلی//ہندوستان کے 76 ویں یوم آزادی کے موقع پر، وزیر اعظم نریندر مودی نے پیر کو قومی پرچم’ترنگا‘ لہرایا اور نئی دہلی میں لال قلعہ کی فصیل سے قوم سے روایتی خطاب کیا۔اس سے پہلے، انہوں نے گارڈ آف آنر کا معائنہ کیا ۔خیال رہے نریندرادامودرداس مودی نے ملک کے وزیراعظم کی حیثیت سے 9ویں مرتبہ یوم آزادی کے موقعہ پر قومی پرچم لہرایا،تاریخی لال قلعہ کی فصیل سے خطاب کیا۔جے کے این ایس کے مطابق جی او سی دہلی کے علاقے نے وزیر اعظم کو سلیوٹنگ بیس تک پہنچایا جہاں ایک مشترکہ انٹر سروسز اور پولیس گارڈز نے انہیں جنرل سلامی پیش کی، جس کے بعد وزیراعظممودی نے گارڈ آف آنر کا معائنہ کیا۔لال قلعہ پہنچنے پر وزیر اعظم کا استقبال وزیر دفاع راج ناتھ سنگھ اور وزیر مملکت برائے دفاع اجے بھٹ اور دفاعی سکریٹری ڈاکٹر اجے کمار نے کیا۔بعد ازاں مشترکہ انٹر سروسز اور دہلی پولیس گارڈ نے وزیر اعظم کو جنرل سلامی پیش کی۔ اس کے بعد وزیراعظم مودی نے گارڈ آف آنر کا معائنہ کیا۔دریں اثنا، آزادی کا امرت مہوتسو کے زیراہتمام ’ہر گھر ترنگا‘ مہم میں لوگ جوش و خروش سے حصہ لے رہے ہیں۔’ہر گھر ترنگا‘ مہم ہفتے کو شروع ہوئی اور پیر تک چلے گی۔لال قلعہ کی فصیل سے اپنے خطاب میں وزیراعظم نریندرمودی نے کہاکہ بدعنوانی اور اقربا پروریملک کے سامنے دو بڑے چیلنج ہیں ۔ وزیر اعظم کا کہنا ہے کہ ’آزادی کا امرت مہوتسو‘ شروع ہو چکا ہے اور نتائج لانے کے لیے ہر ایک کی کوشش کی ضرورت ہے۔ ملک کو آگے لے جانے کے لیے ’ٹیم انڈیا‘ کا مطالبہ ہے۔ مسلسل نویں بار لال قلعہ کی فصیل سے قوم سے خطاب کرتے ہوئے، وزیراعظم مودی نے آزادی پسندوں کی ایک کہکشاں کو خراج عقیدت پیش کیا، جن میں مہاتما گاندھی، نیتا جی سبھاش چندر بوس، بابا صاحب امبیڈکر، ویر ساورکر، بھگت سنگھ، جواہر لعل نہرو اور دیگر شامل ہیں۔انہوںنے کہاکہ ہندوستان میں، جہاں لوگ غربت سے لڑ رہے ہیں،وہیں ہمیں کرپشن کے خلاف پوری طاقت سے لڑنے کی ضرورت ہے۔ وزیراعظم مودی نے کہا کہ بدعنوانی اور اقربا پروری اس راہ میں رکاوٹ بن سکتی ہے جو ملک کو اگلے 25 سالوں میں حاصل کرنا ہے۔وزیر اعظم کا کہنا تھا کہ آزادی کا امرتی مہوتسو‘ شروع ہو چکا ہے اور نتائج لانے کے لیے ہر کسی کی کوشش کی ضرورت ہے، ’ٹیم انڈیا‘ کا مطالبہ ہے۔وزیر اعظم مودی نے ’آزادی کا امرت مہوتسو‘ کے دوران ہندوستان میں جدت کو فروغ دینے کے لیے ’جے انسندھن‘ کی کال دی۔وزیراعظم مودی نے آئین بنانے والوں کا شکریہ ادا کیا، کہتے ہیں مقصد ایک ہے۔انہوںنے کہاکہ ہر شہری کو قوم کے مقاصد کے لیے کام کرنا چاہیے۔وزیر اعظم نے اپنی یوم آزادی کی تقریر میں مسلح افواج کو سلام پیش کیا۔انہوںنے کہاکہ جب ہم اپنی جڑوں سے جڑے ہوں گے، تب ہی ہم اونچی اڑ سکتے ہیں۔وزیراعظم کاکہناتھاکہ ہم فطرت سے محبت کرنا جانتے ہیں۔نریندرامودی نے2047 تک آزادی پسندوں کے خوابوں کو پورا کرنے کے 5 وعدوں کے ساتھ آگے بڑھنے کا مطالبہ کیا۔انہوںنے کہاکہ بھارت جمہوریت کی ماں ہے۔ تنوع اس کی طاقت ہے۔
