ضلع پولیس گاندربل نے کی مبارکباد پیش
گاندربل//گاندربل میں پولیس نے ضلع گاندربل کے طلباء کو مبارکباد دی جنہوں نے ہائر سیکنڈری پارٹ ٹو کے امتحان 2021-22میں اعلیٰ پوزیشن حاصل کی۔جے کے این ایس کے مطابق اس موقع پر ایس ایس پی گاندربل نکھل بورکرآئی پی ایس مہمان خصوصی تھے اور ڈی وائی ایس پی ہیڈکوارٹرز کے ساتھ ساتھ ڈی وائی ایس پی ڈار گاندربل بھی موجود تھے۔ایس ایس پی گاندربل نے شاہ ربکا اور مہوش مشتاق کو وادی کشمیر میں بالترتیب تیسری اور چوتھی پوزیشن حاصل کرنے پر مبارکباد دی۔ دونوں پوزیشن ہولڈرز کو نقد انعامات اور سرٹیفیکیٹ سے نوازا گیا۔ایس ایس پی گاندربل نے ہونہار طلباء سے بات چیت کرتے ہوئے انہیں پڑھائی میں شاندار کارکردگی پر مبارکباد پیش کی جس کے نتیجے میں ان کی شاندار کامیابی ہوئی۔ انہوں نے یہ بھی کہا کہ وہ دوسرے طلباء کو بھی اپنی پڑھائی اور تعلیمی میدان میں سبقت حاصل کرنے کی ترغیب دیں گے۔ انہوں نے اس کامیابی میں اساتذہ، سرپرستوں اور والدین کی کاوشوں کو بھی سراہا۔اس تقریب کا مقصد تعلیمی میدان میں ہونہار طالبات کی حوصلہ افزائی کرنا تھا تاکہ وہ قومی سطح کے امتحانات میں کامیابی حاصل کرنے کے لیے مزید تعلیم حاصل کرنے کے لیے ان کی ہمت بڑھا سکیں۔
