لفٹینٹ گورنر نے متاثرہ علاقوں میں بچاؤ اور امدادی کوششوں کیلئے افسران کو ہدایت دی
سرینگر//لفٹینٹ گورنر مسٹر منوج سنہا نے مرکزی وزیر داخلہ شری امت شاہ سے بات کی اور انہیں ضلع کٹھوعہ میں بارش اور لینڈ سلائیڈنگ سے متاثرہ علاقوں میں جاری بچاؤ اور امدادی کارروائیوں کے بارے میں بتایا ۔ لفٹینٹ گورنر نے المناک واقعے میں جانوں کے ضیاع پر غم کا اظہار کیا اور سوگوار خاندانوں سے تعزیت کا اظہار کیا ۔ انہوں نے سینئر سول اور پولیس عہدیداروں کو ہدایت دی کہ وہ متاثرہ علاقوں میں بچاؤ اور امدادی کوششوں کو ہم آہنگ اور ان پر عملدرآمد کریں اور سائٹ پر طبی امداد کو یقینی بنائیں ۔ X پر ایک پوسٹ میں لفٹینٹ گورنر نے کہا ۔ کٹھوعہ کے متعدد علاقوں میں تباہ کُن بارش سے لینڈ سلائیڈنگ میں جانوں کے ضیاع کی وجہ سے شدید غمزدہ ہوں۔ یہ المیہ ذہن میں گھر کر گیا ہے ۔ مرکزی وزیر داخلہ کو بریفنگ دی کہ میں نے سینئر سول اور پولیس عہدیداروں کو ہدایت دی ہے کہ وہ متاثرہ علاقوں میں بچاؤ اور امدادی کوششوں کو ہم آہنگ اور ان پر عملدرآمد کریں اور سائٹ پر طبی امداد کو یقینی بنائیں ۔ میرے خیالات سوگوار خاندانوں کے ساتھ ہیں اور زخمیوں کی جلد صحت یابی کی دعا کرتا ہوں ۔
