دبئی میں ہونے والے کراٹے کومبیٹ 45 کے مقابلے سے قبل قومی ٹیم کے کپتان شاہزیب رند نے بھارتی کپتان رانا سنگھ کو تھپڑ جڑ دیا، جس کی ویڈیو سوشل میڈیا پر وائرل ہوگئی۔
سوشل میڈیا پر گردش ہونے والی ویڈیو میں دیکھا جاسکتا ہے کہ جب پاکستانی اور بھارتی کپتان اسٹیج پر آمنے سامنے آتے ہیں تو شاہزیب رند رانا سنگھ کو اچانک تھپر رسید کرتے ہیں۔
تھپڑ رسید کرنے کی وجہ سامنے نہیں آسکی، البتہ ویڈیو سے ظاہر ہوتا ہے کہ معاملے کو رفع دفع کردیا گیا ہے۔ یاد رہے کہ پاکستان اور بھارت آج ٹیم ایونٹ میں آمنے سامنے ہوں گے، 25 سالہ شاہزیب رند نے رواں سال فروری میں میکسیکو سٹی میں کراٹے کمبیٹ 44 میں تیز ترین ناک آؤٹ کرنے کے بعد تاریخ رقم کی تھی۔ دبئی میں ہونے والے کراٹے کامبیٹ 45ایونٹ کی میزبانی سابق مکسڈ مارشل آرٹسٹ باس روٹن اور جارج سینٹ پیئر، یوٹیوبر مائیک مجلاک اور معروف بھارتی اداکار سلمان خان کریں گے۔
فائٹ کا آغاز کریگ جونز بمقابلہ آندرے منیز سے ہوگا۔
