پانڈورانگ کے پولے نے جموںوکشمیر کے پولنگ سٹیشنوں پر ایک لاکھ پودے لگانے کا اعادہ کیا
جموں//چیف الیکٹورل آفیسر جموںوکشمیر کے دفتر نے جموں و کشمیر اسمبلی اِنتخابات۔ 2024 کے دوران الیکشن کمیشن آف اِنڈیا (ای سی آئی) کے ’’گرین الیکشن‘‘ اَقدام کے تحت ایک لاکھ سے زیادہ پودے لگانے کے ہدف کو حاصل کرنے کے لئے جموں و کشمیر محکمہ جنگلات کے اشتراک سے آج جموں ضلع کے بھلوال بلاک میںماڈل ہائیرسیکنڈری سکول کے احاطے میں شجرکاری مہم کا اِنعقاد کیا۔چیف الیکٹورل آفیسر (سی اِی او) پانڈورانگ کے پولے نے شجرکاری مہم کا اِفتتاح کیا جواِس تقریب کے مہمانِ خصوصی تھے ۔اِس موقعہ پر ضلع ترقیاتی کشمیر(ڈِسٹرکٹ الیکشن آفیسر ) جموںسچن کمار واشیا ،ڈائریکٹر فارسٹ پروٹیکشن فورس جموں و کشمیر سندیپ کجور، سویپ کے نوڈل آفیسر اختر حسین قاضی، میڈیا کی نوڈل آفیسر سپنا کوتوال، سی ڈِی جموں (نوڈل آفیسر ایس وی اِی ای پی جموں) ڈاکٹر وِکاس شرما اور ضلع اِنتظامیہ اور محکمہ جنگلات کے افسران موجود تھے۔اِس موقعہ پر سی اِی او پانڈورانگ کے پولے نے خطاب کرتے ہوئے اسمبلی اِنتخابات کے ساتھ ساتھ ماحول دوست شجرکاری مہم کو یقینی بنانے کے لئے کی جانے والی کوششوں کا اعادہ کیا تاکہ عوام اور اِنتخابات میں حصہ لینے والوں میں ماحولیاتی تحفظ کے تئیں ذمہ داری کا احساس پیدا کیا جاسکے۔چیف الیکٹورل آفیسر نے یہ بھی بتایا کہ افسران کو ہدایت دی گئی ہے کہ وہ ہر اسمبلی حلقہ میں گرین پولنگ سٹیشن کے طور پر شناخت کردہ پولنگ سٹیشن کے احاطے میں 100 سے زیادہ پودے لگائیں جبکہ باقی پولنگ سٹیشنوں کو جموں و کشمیر یوٹی کے احاطے میں 10سے15 پودے لگانے ہوں گے تاکہ 15 ؍ستمبر2024 ء سے پہلے ایک لاکھ پودے لگانے کا ہدف حاصل کیا جاسکے۔ اُنہوںنے اس بات پر بھی زور دیا کہ اسمبلی اِنتخابات کے دوران پورے جموںوکشمیر یوٹی میں بڑے پیمانے پر شجرکاری مہم چلائی جارہی ہے تاکہ رائے دہندگان کے درمیان ماحولیاتی قیادت کو فروغ دیا جاسکے اور اِنتخابی عمل کے دوران پیدا ہونے والے کوڑاکرکٹ کی وجہ سے ماحول پر پڑنے والے اثرات کی تلافی کی جاسکے۔چیف الیکٹورل آفیسر جموںوکشمیر نے تمام شراکت داروںسے یہ بھی کہا کہ ماحولیاتی ذمہ داری کی اہمیت کا اظہار کرتے ہوئے جموںوکشمیر یوٹی کے تمام پولنگ سٹیشنوں پر مقررہ تاریخوں پر شجرکاری مہم چلائی جائے۔آج کی شجرکاری مہم سویپ ( ایس وِی اِی اِی پی) مہم کے ایک حصے کے طور پر شروع کی گئی اور جس کے دوران 100 سے زیادہ پودے لگائے گئے۔اِس تقریب میں سکول پرنسپل سمیت تقریباً 200 طلبأ ، این سی سی کیڈٹوں اور عملے کے اَرکان نے بھی حصہ لیا۔طلبأ نے گرین الیکشن کی پہل کو یو ٹی کے کونے کونے تک لے جانے کا بھی عہد کیا۔
