ریسٹورنٹس پر جرمانہ،ایف آئی آر درج
سرینگر// ٹی ای این / بڈگام پولیس نے فوڈ سیفٹی ڈیپارٹمنٹ کے ساتھ مل کر پکھر پورہ علاقے میں بازار کی چیکنگ مہم چلائی اور دو ریستورانوں سے سڑا ہوا گوشت ضبط کرنے کے بعد ایف آئی آر درج کی۔اس مہم کی نگرانی ڈی او پکھر پورہ پی ایس آئی عارف مشتاق کے ہمراہ فوڈ سیفٹی آفیسر چرار شریف نے کی۔ آپریشن کے دوران کئی اداروں کا معائنہ کیا گیا، اور فوڈ سیفٹی اور حفظان صحت کے معیارات کی متعدد خلاف ورزیوں کا پتہ چلا۔ ریستوران کے مالکان اور دیگر فوڈ بزنس آپریٹرز پر جرمانے عائد کیے گئے جو عدم تعمیل کے مرتکب پائے گئے۔پولیس نے تصدیق کی کہ ایف آئی آرنمبر 67/2025 سیکشن 271 اور 275بی این ایس کے تحت تھانہ چرار شریف میں دو ریستوراں، نیو عربین نائٹس اور شاہی دربار کے خلاف، سڑا ہوا گوشت پیش کرنے اور صحت عامہ کے لیے خطرہ بننے والے غیر صحت مند حالات کو برقرار رکھنے پر درج کیا گیا ہے۔حکام نے تمام تاجروں اور فوڈ بزنس آپریٹرز کو متنبہ کیا ہے کہ وہ فوڈ سیفٹی کے تجویز کردہ رہنما خطوط پر سختی سے عمل کریں۔ پولیس نے مزید کہا کہ عوام کے تحفظ کو یقینی بنانے کے لیے خلاف ورزی کرنے والوں کے خلاف سخت کارروائی جاری رہے گی۔
