پلوامہ//لفٹینٹ گورنر کے مشیر بصیر احمد خان نے ڈپٹی کمشنر پلوامہ ، ایس ایس پی پلوامہ ، بی پی سی ایل جے اینڈ کے کے ٹیر ٹری منیجر اور دیگر کاروباری شراکت داروں کی موجودگی میں میسرز محبوب العالم فلنگ سٹیشن پلوامہ میں وادی کی پہلی فیول ڈلیوری سروس کا افتتاح کیا ۔ اس موقعہ پر مشیر نے کہا کہ یہ سہولت صنعتی اور ادارہ جاتی صارفین کو ایندھن کی کو گھر گھر پہنچانے میں ایک نئے انقلاب کا آغاز کرے گی اور پیٹرول پمپوں پر ڈیزل کی خریداری کیلئے صارفین کی نقل و حرکت کو کم کرنے میں بھی مدد گار ثابت ہو گی ۔ انہوں نے مزید کہا کہ حکومت کلین اینرجی فیوچر میں سرمایہ کاری اور پائیدار ترقیاتی اہداف کے حصول کے علاوہ ماحولیات پر پڑنے والے منفی اثرات کو کم کرنے کیلئے پُر عزم ہے ۔ انہوں نے یہ بھی کہا کہ حکومت کا مقصد کاربن کے نقوش کو کم کرنا اور ماحول میں ناپسندیدہ گیسوں کے اخراج کو کم کرنا ہے ۔ انہوں نے کہا کہ اس سہولت کا مقصد بلک ڈیزل خریداروں جیسے ہاوسنگ سوسائیٹیوں ، ہوٹلوں ، ہسپتالوں ، مالوں ، تعمیراتی مقامات ، صنعتوں ، ضیافتوں کو ان کی دہلیز پر پورا کرنا ہے ۔ بی پی سی ایل کے عہدیداروں نے آگاہ کیا کہ یہ سہولت مکمل طور پر دھماکہ خیز اور قانونی میٹرولوجی قانونی تقاضوں کی تعمیل کرتی ہے اور کمپنی کو صد فیصد کوالٹی اور مقدار کے ساتھ ڈیزل کی فراہمی کے وعدے کو یقینی بناتی ہے ۔ عہدیداروں نے بتایا کہ بی پی سی ایل مستقبل میں عام لوگوں اور صارفین کو سہولت پہنچانے کے مقصد کے ساتھ مزید کئی مقامات پر اس تصور کو پھیلانے کا منصوبہ بنا رہی ہے ۔
