بارہمولہ// نیشنل کمیشن فار پروٹیکشن آف چائلڈ رائٹس (این سی پی سی آر) نے محکمہ سکولی تعلیم بارہمولہ کے اِشتراک سے آج گورنمنٹ بوائز ہائیر سکینڈری سکول بارہمولہ میں ایک روزہ پروگرام کا اِنعقاد کیاجس میں وزیر اعظم نریندر مودی کے مجوزہ پروگرام پریکشا پہ چرچا6.0 کے ساتویں ایڈیشن کی تقریب منائی گئی۔اِس موقعہ پر ضلع ترقیاتی کمشنر بارہمولہ منگا شیر پا مہمان خصوصی تھے ۔اِس تقریب میں سی اِی او بارہمولہ بلبیر سنگھ رینہ ، ڈپٹی سی اِی او ،ایچ او ڈی ڈائیٹ، این سی پی سی آر کے نمائندے، اَساتذہ، والدین اور سکولی بچوں نے شرکت کی۔ضلع ترقیاتی کمشنر نے اَپنے خطاب میں اِس بات پر زور دیا کہ اَساتذہ اور والدین دونوں طلباء کے لئے آنے والے اِمتحانات کی تیاری کے دوران معاون اور بغیر تنائو ماحول پیدا کرنے میں اہم رول اَدا کرتے ہیں۔منگا شیرپا نے والدین سے کہا کہ وہ اَپنے بچوں کے اِمتحانات کے نتائج کے بارے میں ’’اسے بنائیں یا توڑیں‘‘ کی بوجھل ذہنیت کو ترک کریں اور اُن کی حوصلہ افزائی کی کہ وہ اس عرصے کو اَپنے بچوں کے لئے سیکھنے اور ترقی کرنے کے موقع کے طور پر دیکھیں۔بلبیر سنگھ رینہ نے کہا کہ ضلع ترقیاتی کمشنر بارہمولہ کی رہنمائی میں محکمہ تعلیم اِمتحانات میں شرکت کرنے والے طلباء کے لئے بغیر تنائو کے ماحول کو فروغ دینے کے لئے ضلع کے پانچ سب ڈویژنوں، زونوں، کلسٹر ہیڈوں میں پریکشا پہ چرچا پروگرام منعقد کر رہا ہے۔دریں اثناء، این سی پی سی آر کے نمائندوں نے شری نریندر مودی کی ایک کتاب ایگزام واریئرز کے بارے میں تفصیلی تبادلہ خیال کیا جس کا مقصد طلبأ کو اعتماد اور مقصد کے احساس کے ساتھ اِمتحانی سیزن میں آگے بڑھنے کے ٹولز اور حکمت عملی کے ساتھ بااِختیار بنانا ہے اور وہ اَفراد جو عزم کے ساتھ زندگی کے چیلنجوں کا مقابلہ کرنے کے قابل ہوں ۔یہاں یہ بات قابل ذکر ہے کہ سالانہ بورڈ اِمتحانات میںشرکت کرنے والے طلبأ کے لئے بغیر تنائو کے ماحول پیدا کرنے کے لئے 2018 ء میں وزیر اعظم کے ذریعہ شروع کیا گیا ایک ملک گیر پروگرام ’’پریکشا پہ چرچا‘‘ہے۔ وزیر اعظم نے 29؍ جنوری کو ملک بھر کے طلباء کے ساتھ ایک اِستفساری سیشن منعقد کیا۔
