ہندوستان اس مسئلے کو اب زیادہ برداشت نہیں کرے گا۔ایس جے شنکر
سرینگر//وزیر خارجہ ایس جے شنکر نے کہا ہے کہ پاکستان بھارت کے خلاف منظم طریقے سے دہشت گردی کی سرپرستی کررہا ہے اور بھارت اب اس مسئلے سے پوری طرح سے نمٹے گا۔ انہوںنے کہاکہ ہر کوئی ملک چاہتا ہے کہ اس کا پڑوسی ایک پرامن ملک ہو لیکن ہم اس کاکیا کریں جو بار بار اپنے پڑوسی کو تکلیف پہنچاتا ہے ۔ وائس آف انڈیا کے مطابق وزیر خارجہ ایس جے شنکر نے ہفتہ کے روز زور دے کر کہا کہ ہندوستان کا موڈ اب دہشت گردوں کو نظر انداز کرنے کا نہیں ہے اور وہ ’’اس مسئلے کو مزید برداشت نہیں کرے گا۔اس بات کی نشاندہی کرتے ہوئے کہ پاکستان تقریباً ’’صنعتی سطح‘‘ پر دہشت گردی کی سرپرستی کر رہا ہے جے شنکر،جو سنگاپور کے تین روزہ دورے پر ہیںنے یہ ریمارکس نیشنل یونیورسٹی آف سنگاپور (NUS) کے انسٹی ٹیوٹ آف ساؤتھ ایشین اسٹڈیز (ISAS) میں اپنی تصنیف شدہ کتاب ‘Why Bharat Matters’ پر اپنے لیکچر سیشن کے بعد منعقدہ سوال و جواب کے دور میں کہے۔ )انہوں نے پاکستان کے ساتھ ہندوستان کے تعلقات کے بارے میں پوچھے گئے ایک سوال کے جواب میں کہا کہ ’’ہر ملک ایک مستحکم ہمسائیگی چاہتا ہے ۔اگر آپ کچھ نہیں تو کم از کم ایک پرسکون پڑوس چاہتے ہیں۔‘‘تاہم، بدقسمتی سے ہندوستان کے ساتھ ایسا نہیں ہے۔اس بات پر روشنی ڈالتے ہوئے کہ پاکستان ہندوستان کے خلاف دہشت گردی کی سرپرستی کر رہا ہے، جے شنکر نے پوچھا’’آپ ایک ایسے پڑوسی کے ساتھ کیسے نمٹتے ہیں جو اس حقیقت کو نہیں چھپاتا کہ وہ دہشت گردی کو ریاست کے ایک آلہ کے طور پر استعمال کرتا ہے؟‘‘یہ ایک بار نہیں ہو رہا ہے بلکہ بہت پائیدار ہے، تقریباً ایک صنعت کی سطح پر پاکستان بھارت کے خلاف دہشت گردی کی سرپرستی کرتا آیا ہے ۔ تو ہم اس نتیجے پر پہنچے ہیں کہ ہمیں (خطرات) سے نمٹنے کا ایک طریقہ تلاش کرنا ہوگا، کہ اس مسئلے سے چھٹکارا پانا ہمیں کہیں نہیں ملے گا، یہ صرف مزید پریشانیوں کو دعوت دیتا ہے۔انہوں نے کہا کہ (اس مسئلے کا)میرے پاس کوئی فوری حل نہیں ہے لیکن میں آپ کو بتا سکتا ہوں کہ ہندوستان اب اس مسئلے کو زیادہ برداشت نہیں کرے گا اور ناہی ہم اب یہ کہنے والے ہیں، ‘اچھا، یہ ہوا اور آئیے اپنی بات چیت جاری رکھیں۔ ہمیں ایک مسئلہ ہے اور ہمیں اس مسئلے کا سامنا کرنے کے لیے کافی ایماندار ہونا چاہیے، چاہے یہ مشکل ہی کیوں نہ ہو اور اب ہندوستان دہشت گردی کو پنپنے نہیں دے گا۔
