ایک نئے دور کا آغاز ،جدیدٹیلی کام کی دنیا میں ہندوستان نے تاریخ رقم کی
سری نگر//وزیر اعظم نریندر مودی نے ہفتہ کو5G ٹیلی فونک خدمات کا آغاز کیا جو موبائل فون پر انتہائی تیز رفتار انٹرنیٹ فراہم کرنے کا وعدہ کرتی ہے۔س موقعہ پر وزیراعظم نے کہاکہ یہ ایک نئے دور کا آغاز ہے اور مواقع کا ایک سمندر پیش کرتا ہے۔جے کے این ایس مانٹرینگ ڈیسک کے مطابق وزیر اعظم نریندر مودی نے انڈیا موبائل کانگریس (IMC) 2022 کانفرنس میں منتخب شہروں میں 5G خدمات کا آغاز کیا۔ اگلے چند سالوں میں یہ خدمات آہستہ آہستہ پورے ملک کا احاطہ کریں گی۔انہوں نے کہا کہ5G ایک نئے دور کے آغاز کی نشاندہی کرتا ہے اور مواقع کا ایک سمندر پیش کرتا ہے۔وزیر اعظم نریندر مودی نے کہا کہ جہاں قوم2G، 3G اور 4G ٹیلی کام خدمات کیلئے ٹیکنالوجی کے لئے بیرونی ممالک پر منحصر تھی، وہیں اب ہندوستان نے5G کے ساتھ تاریخ رقم کی ہے۔وزیر اعظم نے کہا کہ ڈیجیٹل انڈیاکیلئے ان کی حکومت کے وژن یانقطہ نظرکی بنیاد 4 ستونوں پر رکھی گئی تھی: آلات کی قیمت، ڈیجیٹل کنیکٹیویٹی، ڈیٹا کی قیمت اور ڈیجیٹل،فرسٹ اپروچ۔انہوںنے کہاکہ اس نقطہ نظر کی وجہ سے ہندوستان میں موبائل مینوفیکچرنگ یونٹس 2014 میں صرف2 سے بڑھ کر اب 200 سے زیادہ ہو گئے ہیں، جس سے ہینڈ سیٹس یاموبائل فون کی قیمت میں کمی آئی ہے۔یہ بتاتے ہوئے کہ ہندوستان میں اب دنیا کے سب سے کم ڈیٹا چارجز ہیں، وزیر اعظم نریندر مودی نے کہا کہ 2014 میں 300 روپے فی ایک جی بی ڈیٹا سے، ٹیرف گھٹ کر10 روپے فی جی بی پر آ گیا ہے۔انہوں نے کہا کہ ماہانہ 14 جی بی ڈیٹا کی اوسط کھپت کو دیکھیں تو ڈیٹا کی لاگت 4200 روپے سے کم ہو کر 125سے150 روپے پر آ گئی ہے۔وزیر اعظم نریندر مودی نے کہاکہ صفر کی برآمدات سے، ملک اب کروڑوں روپے کے فون بھیج رہا ہے۔ اس کے علاوہ، ڈیجیٹل ادائیگیوں میں اضافہ ہوا ہے، انہوں نے نشاندہی کی۔انہوں نے کہا کہ ٹیکنالوجی اب حقیقی معنوں میں جمہوری بن چکی ہے۔کانگریس کی قیادت والی سابقہ یو پی اے حکومت پر طنز کرتے ہوئے انہوں نے کہا کہ یہ ان کی حکومت کے صحیح ارادوں کی وجہ سے ممکن ہوا ہے۔وزیر اعظم نریندر مودی نے مبینہ 2G سپیکٹرم مختص گھوٹالہ کے حوالے سے کہاکہ2G کی نیات اور 5G کی نیت میں یہ فرق ہے یعنی یہ 2G دور اور 5دور کے ارادوں میں فرق ہے۔انتہائی تیز رفتار انٹرنیٹ کو سپورٹ کرنے کے قابل، پانچویں جنریشن یا 5G سروس سے توقع کی جاتی ہے کہ وہ نئے اقتصادی مواقع اور سماجی فوائد حاصل کرے گی، جو ہندوستانی معاشرے کے لیے ایک تبدیلی کی قوت کے طور پر کام کرے گی۔لانچ کے بعد، تینوں بڑے ٹیلی کام آپریٹرز نے ہندوستان میں5G ٹیکنالوجی کی صلاحیت کو ظاہر کرنے کے لیے ایک ہی کیس کا مظاہرہ کیا۔ارب پتی مکیش امبانی کی ریلائنس جیو نے ممبئی کے ایک اسکول کے ایک استاد کو مہاراشٹر، گجرات اور اڈیشہ میں 3 مختلف مقامات پر طلبہ سے جوڑا۔اس نے یہ ظاہر کیا کہ کس طرح 5G اساتذہ کو طلباء کے قریب لا کر، ان کے درمیان جسمانی فاصلے کو فراموش کر کے تعلیم کی سہولت فراہم کرے گا۔وزیر اعظم نریندر ودی نے ڈیمو کیس میں اسکول کے بچوں سے بات چیت کی، ان سے ان کے پسندیدہ موضوع کے بارے میں پوچھا اور ٹیکنالوجی کے استعمال نے سیکھنے میں کس طرح مدد کی ہے۔ووڈافون آئیڈیا ٹیسٹ کیس نے دہلی میٹرو کی زیر تعمیر سرنگ میں کام کرنے والوں کی حفاظت کا مظاہرہ کیا جس کے ذریعے ڈائس پر سرنگ کا ’ڈیجیٹل جڑواں‘ بنایا گیا۔ ڈیجیٹل جڑواں دور دراز مقام سے کارکنوں کو حقیقی وقت میں حفاظتی انتباہات دینے میں مدد کرے گا۔وزیر اعظم نریندر مودی نے دہلی کے لیفٹیننٹ گورنر وی کے سکسینہ کے ساتھ ساتھ سرنگ میں کارکنوں سے بات چیت کی۔
