3ستمبر تک ٹنل کے آر پار گرج چمک کے ساتھ بیچ بیچ میں بارشوں کا امکان / محکمہ موسمیات
سرینگر// وادی کشمیر میں موسمی صورتحال میں تبدیلی آنے کے ساتھ ہی رم جم بارشوں کے بیچ محکمہ موسمیات نے 3ستمبر تک گرج چمک اور بارشوں کا امکان ظاہر کیا ہے ۔ ادھر شہر سرینگر کے ساتھ ساتھ وادی کے دیگر علاقوں میں تاز ہ بارشوں کے بعد گرمی کی لہر کم ہوئی ۔ سی این آئی کے مطابق منگل کی صبح سے ہی وادی کشمیر میں موسم میں تبدیلی آئی اور کہیں کہیں مقامات پر ہلکی سے درمیانی درجے کی بارشیں ہوئی ۔ شہر سرینگر کے ساتھ ساتھ وادی کے دیگر علاقوں میں ہلکی اور رم جم بارشیں دیکھنے کو ملی ۔ شہر سرینگر میں صبح ہی موسم ابر آلو د رہنے کے ساتھ بیچ بیچ میں رم جم بارشیں ریکارڈ کی گئی جبکہ وادی کے دیگر اضلاع سے بھی نمائندے نے تفصیلات فراہم کرتے ہوئے بتایا کہ منگل کی صبح سے ہی موسم ابر آلود دہنے کے ساتھ کچھ ایک مقامات پر بارشیں ہوئی ۔ ادھر محکمہ موسمیات نے بتایا کہ 27 سے 30 اگست تک جموں و کشمیر کے کئی مقامات پر ہلکی سے درمیانی بارش اور گرج چمک کے ساتھ بارش کا امکان ہے۔ انہوں نے کہا کہ مزید بارش اور گرج چمک کے ساتھ کئی مقامات پر دوپہر تک بارش کا بھی امکان ہے۔انہوں نے کہا کہ 31 اگست سے یکم ستمبر تک جموں و کشمیر کے الگ تھلگ مقامات پر بارش اور گرج چمک کے ساتھ بارش کا امکان ہے، جبکہ 2 سے 3 ستمبر تک موسم عام طور پر ابر آلود رہے گا اور کئی مقامات پر گرج چمک کے ساتھ بارش کا امکان ہے۔ .حکام نے بتایا کہ 4 سے 5 ستمبر تک موسم عام طور پر خشک رہے گا۔انہوں نے مزید کہا کہ گزشتہ 24 گھنٹوں میں جموں میں 64.2 ملی میٹر، کٹھوعہ میں 65.2 ملی میٹر، ادھم پور میں 64.8 ملی میٹر اور سانبہ میں 53 ملی میٹر بارش ہوئی۔محکمہ کے ماہرین نے نے خبردار کیا کہ 27 سے 30 اگست کے دوران جموں کے الگ تھلگ مقامات پر موسلادھار بارش کے ساتھ چند مقامات پر قلیل مدت کیلئے شدید بارش کا امکان ہے۔انہوں نے جاری رکھا کہ چند خطرناک مقامات پر سیلاب، لینڈ سلائیڈنگ، مٹی کے تودے اور شوٹنگ سٹون ہو سکتے ہیں۔
