سلطان ڈھکی اور کمال کوٹ میں عوامی جائزہ اور ترقیاتی اجلاس منعقد
سرینگر / /نیشنل کانفرنس کے سینئر لیڈر اورایم ایل اے اوڑی ڈاکٹر سجاد شفیع اْوڑی نے اتوار کو سلطان ڈھاکی اور کمل کوٹ اْوڑی میں عوامی جائزہ اور ترقی کی میٹنگ منعقدکی۔ میٹنگ میں اہم محکموں بشمول R&B، PMGSY، صحت، PHE، RDD، خوراک، تعلیم اور بجلی کے حکام کی فعال شرکت دیکھنے میں آئی۔کشمیر پریس سروس نمائندہ عادل شبیر کے موصولہ تفصیلات کے مطابق میٹنگ کے دوران مقامی باشندوں نے محکمہ کے افسران کی موجودگی میں پانی کی فراہمی، سڑکوں کے رابطے، داخلی راستوں، خوراک کی راشن کی تقسیم اور دیگر شہری مسائل سے متعلق کئی اہم مسائل کو براہ راست اٹھایا۔ عوامی مطالبات کا جواب دیتے ہوئے ایم ایل اے اوڑی نے کئی مسائل کو موقع پر ہی حل کیا، جبکہ متعلقہ محکموں کو ہدایت دی کہ وہ باقی معاملات کو جلد از جلد حل کریں اس موقعہ پر موجود عہدیداروں نے ایم ایل اے اور عوام کو یقین دلایا کہ بقایا مسائل کو جلد حل کیا جائے گا۔اس موقعہ پر خطاب کرتے ہوئے ڈاکٹر سجاد شفیع اوڑی نے اس بات پر زور دیا کہ اس طرح کے عوامی دربار ترقی کی جاری کوششوں کا ایک لازمی حصہ ہیں۔ انہوں نے کہا کہ ان میٹنگز کے ذریعے میں ذاتی طور پر مقامات کا دورہ کرتا ہوں، ترقیاتی کاموں کا جائزہ لیتا ہوں، اور سمجھتا ہوں کہ ان علاقوں کے لوگوں کو مزید کیا ضرورت ہے۔ انہوں نے کہا کہ عوامی دربار کے انعقاد کا مقصد انتظامیہ کو لوگوں کے قریب لانا ہے تاکہ وہ اپنے مطالبات براہ راست محکمانہ افسران اور ان کے سامنے رکھ سکیں۔جے کے این سی کے سینئر لیڈر طارق ہاشم نے بھی اجتماع سے خطاب کیا، ان عوامی درباروں کو شروع کرنے کے لیے ایم ایل اے اوڑی کا شکریہ ادا کرتے ہوئے کہا ہے کہ موصوف نے اس طرح کا پلیٹ فارم شروع کیا جہاں لوگ اپنے مسائل براہ راست افسران کے سامنے پیش کر سکتے ہیں۔ ایم ایل اے اْوڑی کے تعاون سے ہمارے بہت سے دیرینہ مسائل حل ہو گئے ہیں۔ انہوں نے کہا کہ یہ ہمارے لیے فخر کی بات ہے کہ ہمارا نمائندہ اْوڑی میں مسلسل سرگرم رہتا ہے، ہر کونے تک پہنچ کر ذاتی طور پر ترقیاتی کاموں کی نگرانی کرتا ہے،” انہوں نے مزید کہاکہ عوامی دربار ایم ایل اے کی طرف سے اس یقین دہانی کے ساتھ اختتام پذیر ہوا کہ عوامی شکایات کے بروقت ازالے کو یقینی بنانے اور خطے میں ترقی کی رفتار کو مزید تیز کرنے کے لیے اسی طرح کے آؤٹ ریچ پروگرام جاری رہیں گے۔
