پائپ لائن کا کام پائیہ تکمیل تک نہ پہنچائے جانے کا شاخسانہ
سرینگر//ضلع کولگام کے نگین پورہ بون محلہ کے رہائشیوں کو پائپ لائن کا کام نامکمل رہنے کی وجہ سے سال بھر سے پینے کے پانی کے بحران کا سامنا کرنا پڑتا ہے ۔ لوگوںنے کہاکہ پانی کی عدم دستیابی سے انہیں مشکلات درپیش آرہی ہیں۔ نگین پورہ کنڈ بن محلہ کے رہائشی پینے کے پانی کی قلت سے شدید دوچار ہے، یہ بحران ایک سال سے زیادہ عرصے سے برقرار ہے۔ پچھلے سال پائپ لائن کی تنصیب کے ایک نئے منصوبے کے آغاز کے باوجود، کام نامکمل ہے، جس سے کمیونٹی کو پانی کی قابل اعتماد فراہمی نہیں ہے۔وائس آف انڈیا کے نمائندے غلام نبی کھانڈے کے مطابق مقامی باشندے جل شکتی محکمہ سے مایوس ہیں اور اس پر غفلت اور نا اہلی کا الزام لگا رہے ہیں۔ ایک رہائشی نے کہا، “ہم اس پائپ لائن کے مکمل ہونے کا انتظار کر رہے ہیں، لیکن ایسا لگتا ہے کہ محکمہ گہری نیند میں ہے۔” مقامی رہائشیوں نے حکام سے پینے کے پانی کی ضروری رسائی کو بحال کرنے اور طویل مشکلات کو ختم کرنے کے لیے پائپ لائن کے کام کو تیز کرنے کی اپیل کر ہے تاکہ لوگوں کو راحت مل سکے۔
