سی ای او سرینگرنے ضلع بھر میں بڑے پیمانے پر پی ٹی ایم کے انتظامات کا لیاجائزہ
سرینگر // ڈائریکٹر سکول ایجوکیشن کشمیر ڈاکٹر جی این ایتو کی متحرک قیادت میںدور دراز اور پہاڑی علاقوں سمیت پوری وادی کشمیر میں منعقد کیے جانے والے ماس پیرنٹ ٹیچر میٹنگ اقدام کے ایک حصے کے طور پر، چیف ایجوکیشن آفیسر سرینگر غلام محی الدین بٹ نے10اگست سے ضلع سری نگر کا ایک وسیع دورہ کیا۔کشمیر پریس سروس کے موصولہ اطلاعات کے مطابق ضلع سرینگر کے تعلیمی افسران کے ہمراہ سی ای او نے کئی اسکولوں کا دورہ کیا جن میں بی ایچ ایس ایس مجگنڈ، ایچ ایس لاوے پورہ اور ایم ایس لاوے پورہ شامل ہیں، والدین اساتذہ کی میٹنگ کے انتظامات کا جائزہ لینے اور والدین، کمیونٹی کے اراکین، اسکول کے سربراہان، اساتذہ اور طلبہ سے بات چیت کی ۔اپنے دوروں کے دوران، سی ای اوموصوف نے بنیادی ڈھانچے، کلاس روم کی دستیابی، تدریسی عملے کی مناسبیت، اور طالب علم کی دیگر معاونت کی خدمات سے متعلق سہولیات کا معائنہ کیا۔ میڈیا سے بات کرتے ہوئے انہوں نے زور دے کر کہاکہ ہم معیاری تعلیم کو صرف اسی صورت میں یقینی بنا سکتے ہیں جب اساتذہ، اداروں کے سربراہان، والدین، کمیونٹی ممبران اور طلبہ مشترکہ طور پر کام کریں۔اس دورے نے ضلع سری نگر میں اسکولوں اور کمیونٹیز کے درمیان فعال تعاون کے ذریعے تعلیمی نتائج کو بڑھانے کے لیے محکمے کے عزم کی تصدیق کی۔
