ترقیاتی کاموں کے ساتھ ساتھ ثقافتی ورثے کے تحفظ پر زور
سرینگر//نائب وزیر اعلیٰ نے سرینگر شہر کا ایک وسیع دورہ کیا اور لال چوک حلقہ انتخاب میں واقع گورنمنٹ کالج آف ایجوکیشن ، گورنمنٹ کالج فار ویمن اور حبہ کدل حلقہ انتخاب میں مجوزہ بربرشاہ پُل ، پرانا حبہ کدل پُل اور پادشاہی باغ روڈ کا معائینہ کیا ۔ نائب وزیر اعلیٰ کے ہمراہ حبہ کدل سے ایم ایل اے شمیم فردوس ، لال چوک سے ایم ایل اے شیخ احسن احمد اور متعلقہ محکموں کے دیگر سینئر افسران موجود تھے ۔ دورے کے آغاز میں نائب وزیر اعلیٰ نے گورنمنٹ کالج آف ایجوکیشن اور گورنمنٹ کالج فار ویمن کا دورہ کیا اور وہاں جاری ترقیاتی کاموں کا جائیزہ لیا ۔ نائب وزیر اعلیٰ نے متعلقہ افسران کو ہدایت دی کہ زیر التوا کاموں کو بغیر کسی تاخیر کے مکمل کیا جائے اور مواد کے معیار پر سختی سے عمل کیا جائے ۔ انہوں نے دورے کے دوران طلبہ ، اساتذہ اور دیگر عملے کے ارکان سے بھی بات چیت کی ۔ بعد میں نائب وزیر اعلیٰ نے مجوزہ بربر شاہ پُل کے مقام کا معائینہ کیا جو رتا رانی نئی سڑک سے بنڈ ایکسچینج روڈ تک 100میٹر کے واضح فاصلے کے ساتھ بنایا جا رہا ہے ۔ اس نئے پُل کی تعمیراتی لاگت 15.25 کروڑ روپے ہے ۔ نائب وزیر اعلیٰ کو بتایا گیا کہ اس پروجیکٹ میں ایک 2 لین پلیٹ گرڈرپُل کی تعمیر شامل ہے جس میں 7.50 میٹر چوڑی سڑک اور دونوں طرف 1.50 میٹر چوڑے فُٹ پاتھ ہوں گے ۔ نائب وزیر اعلیٰ نے پروجیکٹ کی تجویز کا جائیزہ لیا اور حکام نے انہیں تکنیکی تفصیلات اور عملدرآمد کے منصوبے کے بارے میں بریف کیا ۔ اس کے بعد انہوں نے آر اینڈ بی ڈویژن سرینگر کو ہدایت دی کہ وہ یوٹیلیٹیز کی منتقلی ، زمین کے حصول اور تکنیکی عملی امکان سمیت تمام اجزاء کو مدِ نظر رکھتے ہوئے تفصیلی پروجیکٹ رپورٹ ( ڈی پی آر ) تیار کرے ۔ نائب وزیر اعلیٰ نے حبہ کدل علاقے کا بھی دورہ کیا تا کہ پرانے حبہ کدل پُل کی موٹر گاڑیوں کیلئے صلاحیت کا جائیزہ لیا جائے اور آر اینڈ بی ڈویژن کرن نگر کو ہدایت دی کہ حالیہ سیلاب کے بعد نقصان شدہ ڈیکنگ کی مرمت کے ساتھ ساتھ اس کی ساختی سلامتی کا جائیزہ لیا جائے ۔ بعد میں پادشاہی باغ میں آنے والے دنوں میں ترجیحی بنیادوں پر عملدرآمد کئے جانے والے کاموں کے بارے میں تبادلہ خیال کیا گیا ۔ انہوں نے مقامی باشندوں ، کمیونٹی کے بزرگوں اور تاجروں کی فیڈریشن کے اراکین سے بھی ملاقات کی ، ان کے تحفظات اور تجاویز کو سنا ۔ انہوں نے انہیں یقین دلایا کہ ترقیاتی کام علاقے کے ورثے کے کردار کو محفوظ رکھنے کے ساتھ ساتھ جدید سہولیات فراہم کرنے کیلئے ہیں ۔ نائب وزیر اعلیٰ نے جموں و کشمیر میں تمام اہم بنیادی ڈھانچے کے پروجیکٹس کو وقت پر مکمل کرنے کے حکومتی عزم کا اعادہ کیا ۔ انہوں نے متعلقہ ایجنسیوں کو ہدایت دی کہ وہ کسی بھی موجودہ رکاوٹوں کو دور کریں ، تکمیلی کاموں کی قریب سے نگرانی کریں اور اس بات کو یقینی بنائیں کہ یہ پروجیکٹس اعلان کردہ ٹائم لائن کے اندر عوام کیلئے وقف کئے جائیں تا کہ سرینگر کے شہریوں کیلئے زندگی کی سہولت کو بڑھایا جا سکے ۔
