ڈاکٹر کلیم اللہ لنگیٹ حلقہ سے انتخابات لڑیں گے
سرینگر//کالعدم تنظیم جماعت اسلامی کے سابق جنرل سیکریٹری غلام قادر لون کے فرزند بھی مین سٹریم سیاست میں کود پڑے ہیں اور لنگیٹ حلقہ سے انتخابات لڑیں گے ۔ وائس آف انڈیا کے مطابق جماعت اسلامی کے سابق جنرل سکریٹری غلام قادر لون کے بیٹے ڈاکٹر کلیم اللہ کپواڑہ ضلع کے لنگیٹ حلقہ سے آئندہ اسمبلی انتخابات میں حصہ لینے والے ہیں۔ڈاکٹر کلیم اللہ نے تصدیق کی کہ وہ لنگیٹ حلقہ سے آزاد امیدوار کی حیثیت سے اسمبلی الیکشن لڑیں ہوںگے۔ ان کے اہم حریفوں میں پیپلز کانفرنس (PC) سے تعلق رکھنے والے عرفان پنڈتپوری، ایک AIP امیدوار جس کا ابھی اعلان ہونا باقی ہے، اور NC-کانگریس اتحاد کے مشترکہ امیدوار ارشاد احمد شامل ہیں۔لنگیٹ، جو اپنی سیاسی حرکیات کے لیے جانا جاتا ہے، اے آئی پی کے لیے ایک مضبوط گڑھ رہا ہے، جس کے رہنما، انجینئر رشید، جموں و کشمیر قانون ساز اسمبلی میں دو بار اس حلقے کی نمائندگی کر چکے ہیں۔
