سوپور پولیس نے یو اے پی اے کیس میں ایک شہری کے گھر کی تلاشی لی
سرینگر/ سی این آئی // علیحدگی پسند دہشت گردی کے ماحولیاتی نظام کو ختم کرنے کی مسلسل کوششوں میں سوپور پولیس نے یو اے پی اے کے تحت درج ایک کیس کے سلسلے میں تلاشی کارورائی انجام دی ۔ سی این آئی کے مطابق سوپور پولیس نے ممنوعہ تنظیم سے منسلک علیحدگی پسند ماحولیاتی نظام کے خلاف کریک ڈاؤن کے ایک حصے کے طور پر یو اے پی اے کیس میں تلاشی لی۔ پولیس کے مطابق ایک شہری عابد نبی کچرو ولد غلام نبی کچرو ساکن بادام باغ، سوپور کے گھر پر تلاشی مہم چلائی گئی ۔ انہوں نے کہا کہ یہ تلاشی ایف آئی آر نمبر 09/2024کے سلسلے میں کی گئی، جو کہ غیر قانونی سرگرمیاں (روک تھام) ایکٹ کے سیکشن 10 اور 13 کے تحت درج کی گئی، اس کے کالعدم تنظیم مسلم لیگ سے روابط ہیں۔تلاشی کے دوران کالعدم تنظیم سے متعلق قابل اعتراض مواد برآمد کرکے قبضے میں لے لیا گیا، جو تمام قانونی پروٹوکول کے بعد مجسٹریٹس اور آزاد گواہوں کی موجودگی میں کی گئی۔پولیس کے مطابق یہ آپریشن علیحدگی پسندی کو فروغ دینے یا قومی سلامتی اور امن عامہ کے لیے نقصان دہ سرگرمیوں میں ملوث افراد کی شناخت اور ان کے خلاف قانونی کارروائی کرنے کے لیے سوپور پولیس کی وسیع مہم کا حصہ ہے۔سوپور پولیس امن کو برقرار رکھنے، قانون کو نافذ کرنے اور اس بات کو یقینی بنانے کے لیے پرعزم ہے کہ کسی فرد یا گروہ کو سب ڈویڑن سوپور میں سخت محنت سے حاصل کیے گئے معمولات میں خلل ڈالنے کی اجازت نہ ہو۔
