ہم نے پورا کشمیر دیا ، رام مندر بنواکر رام لل کو اپنی جگہ دلائی اور ملک کو آگے بڑھایا
سرینگر /وزیر داخلہ امت شاہ نے مغربی بنگال کی سرزمین پر عوامی ریلی سے خطاب کرتے ہوئے کہا کہ ممتا بنرجی اور کانگریس نے ملک کو کیا دیا جبکہ ہم نے دفعہ 370ختم کرکے ملک کو پورا کشمیر دیا، رام مندر جو دہائیوں سے ایک متازعہ بنا تھا تعمیر کروایا اور رام لل کو اس میں براجمان کرایا ، تین طلاق سے چھٹکارا دلایا اور قومی شہری بل کو منظور کروایا ۔ وائس آف انڈیا کے مطابق مرکزی وزیر داخلہ امیت شاہ نے آج کہا کہ کانگریس اور ترنمول کانگریس کی لیڈر ممتا بنرجی میں شہریت ترمیمی قانون کو چھونے کی ہمت نہیں ہے، یہ یقین دلاتے ہوئے کہ نئے قانون کے تحت تمام ہندو پناہ گزینوں کو شہریت ملے گی۔وزیر داخلہ امت شاہ نے مغربی بنگال کی سرزمین پر عوامی ریلی سے خطاب کرتے ہوئے کہا کہ ممتا بنرجی اور کانگریس نے ملک کو کیا دیا جبکہ ہم نے دفعہ 370ختم کرکے ملک کو پورا کشمیر دیا، رام مندر جو دہائیوں سے ایک متازعہ بنا تھا تعمیر کروایا اور رام لل کو اس میں براجمان کرایا ، تین طلاق سے چھٹکارا دلایا اور قومی شہری بل کو منظور کروایا۔ کارندیگھی میں انتخابی ریلی کے دوران امیت شاہ نے کہا کہ ترنمول راج کے تحت مغربی بنگال میں دراندازی بلا روک ٹوک جاری ہے۔ انہوں نے کہا کہ بنگال کے وزیر اعلیٰ سرحدی ریاست میں دراندازی کو نہیں روک سکتے۔ “کیا ممتا بنرجی دراندازی کو روک سکتی ہیں؟ وہ نہیں کر سکتیں۔ صرف (وزیر اعظم نریندر) مودی جی ہی دراندازی کو روک سکتے ہیں۔’’رائے گنج سے بی جے پی امیدوار کارتک پال کی حمایت میں ریلی نکالتے ہوئے شاہ نے کہا کہ پچھلی بار آپ نے ہمیں 18 سیٹیں دی تھیں۔ مودی نے رام مندر دیا۔ اس بار ہمیں 35 سیٹیں دیں، ہم دراندازی بند کر دیں گے۔ وزیر داخلہ نے سندیشکھلی تنازعہ کا بھی ذکر کیا اور کہا کہ “سندیشکھلی میں ممتا بنرجی نے خواتین پر مظالم کی اجازت دی تاکہ ان کا ووٹ بینک متاثر نہ ہو۔ ہائی کورٹ نے مداخلت کی اور آج ملزمان جیل میں ہیں’’۔شاہ نے کلکتہ ہائی کورٹ کے حکم کا بھی حوالہ دیا جس میں مبینہ بے ضابطگیوں کی وجہ سے سرکاری اسکول کے ملازمین کی تقریباً 25,000 تقرریوں کو منسوخ کیا گیا تھا۔ یہ بھی کہا کہ ممتا بنرجی ’’ماں، مٹی اور انسان‘‘ کے نعرے پر اقتدار میں آئی تھیں۔ سندیش کھلی میں ماں کو تشدد کا نشانہ بنایا گیا، مانوش کو بدعنوانی کا سامنا کرنا پڑ رہا ہے، انہوں نے کہا، “بی جے پی کو ووٹ دیں، ممتا بنرجی کے غنڈوں کو الٹا لٹکایا جائے گا۔’’انہوں نے یہ بھی وعدہ کیا کہ اگر نریندر مودی کی قیادت والی بی جے پی اقتدار میں واپس آتی ہے تو مرکز شمالی بنگال میں ایمس بنائے گا۔ “ہم نے رائے گنج میں ایمس بنانے کا منصوبہ بنایا تھا۔ ممتا دیدی نے اسے روک دیا۔ یہ مودی جی کی گارنٹی ہے۔ ہمیں 30 سیٹیں دیں، ہم شمالی بنگال میں پہلے ایمس پر کام شروع کریں گے۔آپ کو بتا دیں کہ رائے گنج سیٹ 2019 میں بی جے پی نے جیتی تھی۔ ترنمول نے شمالی بنگال سیٹ سے ایم ایل اے کرشنا کلیانی کو میدان میں اتارا ہے۔ رائے گنج میں جمعہ کو دوسرے مرحلے میں ووٹنگ ہوگی۔
