سرینگر//فلم نگری کے چمکتے ستارے میںکشمیر میں جلوہ گر ہوکر اپنے مداحوں کے دل جیت لیئے ۔ عامر خان اپنی نئی فلم کے کچھ شارٹ یہاں فلمانے کیلئے سائٹ دیکھنے کو آئے تھے ۔ اس دوران عامر کے مداحوں کی بڑی تعداد نے وہاں پر ان کا خیر مقدم کیا ۔ بالی ووڈ کے سپر اسٹار ، ہدایت کار اور پروڈیوسر عامر خان نے گزشتہ روز تاریخی امر سنگھ کالج سرینگر کا دورہ کیا اور وہاں کچھ وقت گزارا۔ عامر خان کے کالج جانے میں موجودگی کے بارے میں خبر کے بعد مداح ، سپر اسٹار کی جھلک دیکھنے کے لئے کالج کے مرکزی دروازے پر جمع ہوئے۔کالج سے کار میں نکلتے وقت ، عامرخان نے میڈیا اور اپنے مداحوں کے ساتھ مسکراتے ہوئے اپنا ہاتھ لہرایا۔ کالج کے مرکزی دروازے سے باہر نکلتے ہوئے د عامر خان کا مختصر ویڈیو کلپ بھی سماجی میڈیا پر عام ہوگئی۔ذرائع کے مطابق عامر خان اس جگہ فلم کی ممکنہ شوٹنگ کیلئے مقام تلاش کر رہا تھا۔2012 میں ، خان ایک دہائی سے زیادہ عرصے کے بعد کشمیر پہنچے تھے انہوں نے ڈل جھیل میں مشہور تیرتے سبزیوں کے باغات کا دورہ کیا۔ عامر نے 2012 میں ڈل جھیل کے دورے کے دوران نامہ نگاروں سے کہا تھا کہ’’میں 10 سال سے زیادہ عرصے کے بعد کشمیر آیا ہوں،آخری بار میں یہاں من (1999) کی شوٹنگ کے لیے آیا تھا۔ سپر اسٹار نے اپنے سپر ڈوپر ہٹ تھری ایڈیٹس کے کچھ حصوں کو لداخ میں سابق ریاست جموں و کشمیر کے علاقے میں بھی فلمایاتھا۔سپر اسٹار سرد صحرا میں اپنی فلم کی آخری حصے کی شوٹنگ کے لئے رواں ماہ کے اوائل میں کرگل پہنچا تھا۔
