اہم اداروں اور محکموں میں نئی تعیناتیاں
سرینگر// یو این ایس / جموں کشمیر حکومت نے محکمہ خزانہ میں بڑے پیمانے پر ردوبدل کا اعلان کرتے ہوئے کلیدی محکموں، یونیورسٹیوں اور پبلک سیکٹر کی تنظیموں میں درجنوں سینئر افسران کے تبادلے اور تقرری کا حکم دیا۔29 نومبر کو جاری ہونے والے حکومتی آرڈر نمبر 381-F آف 2025 کے مطابق، متعدد ڈائریکٹرز فنانس، فنانشل ایڈوائزرز، چیف اکاؤنٹس آفیسرز اور ٹریژری آفیشلز کو انتظامیہ کے مفاد میں فوری طور پر دوبارہ تعینات کیا گیا ہے۔اہم تبدیلیوں میں، قانون، انصاف اور پارلیمانی امور کے محکمے میں ڈائریکٹر فنانس راجیش تلوار کو شمالی زونل اکاؤنٹنسی ٹریننگ انسٹی ٹیوٹ، جموں کے پرنسپل کے طور پر تعینات کیا گیا ہے۔ محکمہ ٹرانسپورٹ میں ڈائریکٹر فنانس امتیاز احمد وانی کو محکمہ خزانہ میں ڈائریکٹر ریسورسز تعینات کیا گیا ہے اور وہ 31 دسمبر کو شوکت حسین میر کی ریٹائرمنٹ کے بعد چارج سنبھالیں گے۔اس حکم نامے میں عبدالمجید بٹ کو جنرل ایڈمنسٹریشن ڈپارٹمنٹ، ستنام سنگھ کو ڈیزاسٹر مینجمنٹ، ریلیف اور بحالی کا محکمہ اور اشوک کمار کو خوراک، شہری سپلائیز اور کنزیومر افیئر ڈپارٹمنٹ میں تبدیل کر دیا گیا ہے، جہاں وہ الیکشن ڈیپارٹمنٹ کا اضافی چارج سنبھالتے رہیں گے۔کلیدی محکمانہ تبدیلیوں میں محکمہ داخلہ، جل شکتی، اعلیٰ تعلیم، سیاحت اور ثقافت، اسکول کی تعلیم، ریونیو، صحت کی خدمات، سماجی بہبود، میونسپل کارپوریشنز، جے کے پاور ڈیولپمنٹ اداروں، اور بڑی یونیورسٹیوں بشمول سکاسٹ کشمیر، سکاسٹ جموں، ایس ایم وی ڈی یو اور سکمز صورہ میں پوسٹنگ شامل ہیں۔اس آرڈر میں 75 سے زائد سینئر افسران شامل ہیں جن میں ڈائریکٹر فنانس، فنانشل ایڈوائزرز/چیف اکاؤنٹس آفیسرز، ڈپٹی ڈائریکٹرز، جوائنٹ ڈائریکٹرز اور ٹریڑری افسران شامل ہیں۔ کئی افسران کو اگلے احکامات تک اضافی چارج بھی سونپا گیا ہے۔محکمہ خزانہ نے کہا کہ ردوبدل کا مقصد انتظامی کام کاج کو ہموار کرنا، مالیاتی کاموں کی بروقت نگرانی کو یقینی بنانا اور پورے جموں کشمیر میں تجربہ کار اہلکاروں کی تعیناتی کو بہتر بنانا ہے۔
