محکمہ ایچ اینڈ پی کے سٹاف کوارٹرز تکمیل کے قریب ، سیکرٹری نے معائینہ کیا

جموں//ہاسپٹلیٹی اینڈ پروٹوکول ( ایچ اینڈ پی ) ڈیپارٹمنٹ کی سیکرٹری اونی لاواسا نے پیر کے روز جموں کے کینال روڈ پر سرکٹ ہاوس کے قریب جاری سٹاف کوارٹرز کی تعمیر کا معائینہ کیا ۔ یہ منصوبہ 3.43 کروڑ روپے کی لاگت سے ایس اے ایس سی آئی اسکیم کے تحت تیار کیا جا رہا ہے اور اسے موجودہ مالی سال کے اختتام تک مکمل کرنے کا ہدف ہے ۔ منصوبہ 95 فیصد مکمل ہو چکا ہے جس میں ایچ اینڈ پی ڈیپارٹمنٹ کے ملازمین کیلئے 12 دو بیڈ روم فلیٹس شامل ہیں ۔ سیکرٹری موصوفہ نے تعمیری کام پر اطمینان کا اظہار کیا اور ایگزیکٹو انجینئر اور عمل آوری ایجنسی کو ہدایت دی کہ وہ موجودہ مالی سال کے اخکتام سے پہلے منصوبے کی فزیکلی اور مالی تکمیل یقینی بنائیں ۔ معائینہ کے بعد ایچ اینڈ پی ڈیپارٹمنٹ کے افسران کے ساتھ ایک میٹنگ ہوئی جس میں لاواسا نے ڈیپارٹمنٹل مسائل بشمول تنظیم نو اور انسانی وسائل کے امور پر تبادلہ خیال کیا ۔ انہوں نے افسران کو ہدایت دی کہ یہ مسائل فوری طور پر حل کئے جائیں ۔ ڈائریکٹر ایچ اینڈ پی اور دیگر ڈیپارٹمنٹل افسران دورے اور میٹنگ کے دوران موجود تھے ۔