متعلقہ محکمہ کی غفلت کی وجہ سے خستہ حالی کی شکار
سرینگر//کپوارہ کے لولاب علاقے میں ٹورسٹ ہٹوں کی خستہ حالی پر مقامی لوگوں نے سخت برہمی کااظہار کیا ۔ لوگوں نے کہا کہ نہ صرف اس پر خرچ زر کثیر ضائع ہوچکی ہے بلکہ اس سے سیاحتی سرگرمیاں بھی ماند پڑ گئی ہیں۔ وائس آف انڈیا کے مطابق سرحدی ضلع کپواڑہ لولاب میں سیاحوں کیلئے ٹورسٹ ہٹوں کی تعمیر پر کافی اخراجات کے باوجودخستہ حالت میں ہیں۔ مقامی لوگوں کا دعویٰ ہے کہ حکام نے ان ہٹوںکو نظر انداز کیا ہے۔کمار محلہ سوگام کے رہائشیوں نے بتایا کہ محکمہ سیاحت کی طرف سے مقامی لوگوں اور سیاحوں دونوں کو فائدہ پہنچانے کے لیے بنائی گئی ان ہٹوں کو اب ناکارہ بنا دیا گیا ہے۔ اس غفلت پر مقامی لوگوں نے سخت برہمی کااظہار کیا ہے ۔ مقامی لوگوں کا کہنا ہے کہ اگر حکومت ان ٹورسٹ ہٹوں کو برقرار نہیں رکھ سکتی تو ابتدائی سرمایہ کاری کا کوئی جواز نہیں ہے۔ اب وہ ان تباہ شدہ ہٹوںکی مرمت کا مطالبہ کر رہے ہیں تاکہ یہ یقینی بنایا جا سکے کہ وہ امداد فراہم کرنے اور آمدنی پیدا کرنے کے اپنے مطلوبہ مقصد کو پورا کرتے ہیں۔
