میرے نزدیک اتر پردیش ایک ایسا چشمہ ہے جس نے ملک کی ثقافتی شعور کی پرورش کی ہے ۔ سنہا
جموں//جموں و کشمیر لوک بھون نے ہفتہ کے روز اتر پردیش فاؤنڈیشن ڈے کی شاندار تقریبات کی میز بانی کی ۔ اجتماع سے خطاب کرتے ہوئے لفٹینٹ گورنر مسٹر منوج سنہا نے اتر پردیش کے عوام کو دل کی گہرائیوں سے مبارکباد اور نیک خواہشات پیش کیں ۔ انہوں نے ریاست کے عظیم شخصیات ، آزادی پسندوں اور انقلابیوں کو خراجِ عقیدت پیش کیا اور جدید بھارت کی تعمیر میں ان کے اہم کردار کو یاد کیا ۔ لفٹینٹ گورنر نے کہا ’’ادبی شخصیات نے قدیم اتر پردیش کے علاقے کو ہندوستان کا دل کہا ہے جو کہ بڑی مقدس کتابوں ، ویدوں ، اپنشدوں ، رامائن ، مہابھارت اور پرانوں کی گہوارہ ہے ۔ میری نزدیک اتر پردیش ایک ایسا چشمہ ہے جس نے ملک کی ثقافتی شعور کو پالا اور پرورش کی ہے ‘‘۔ لفٹینٹ گورنر نے کہا کہ اتر پردیش کی وسعت اور richness کو الفاظ میں بیان کرنا ممکن نہیں ، اسے محسوس کیا جانا چاہئیے اور جیا جانا چاہئیے تا کہ اس کی مکمل قدر معلوم ہو سکے ۔ لفٹینٹ گورنر نے کہا’’ یہ وہ جگہ ہے جہاں گنگا ، یمنا اور سرسوتی ندیوں کا سنگم ہوتا ہے ۔ ایک مقدس سنگم جو ہزاروں سال کی تاریخ رکھتا ہے ۔ یہ ایک روحانی مرکز ہے جو انسانیت کو لازوال حکمت عطا کرتا ہے اور ایک ایسی جگہ ہے جو اپنے ثقافتی اور ادبی ورثے کے ذریعے عالمی شعور کو جھنجھوڑتی ہے ۔ ‘‘ لفٹینٹ گورنر نے کہا کہ اتر پردیش ہندوستان کا زندہ دل ہے جو ملک کو تمام سمتوں شمال سے جنوب ، مشرق سے مغرب کو جوڑے رکھتا ہے ۔ اس متحرک علاقے کے روحانی عظیم لوگوں نے اپنی گہری غور و فکر کے ذریعے ہمیں ایک انمول تعلیم دی ، کہ سب سے اعلیٰ جستجو خود کو سمجھنے کی جستجو سب سے بڑھ کر ہے۔ انہوں نے مزید کہا سب سے گہرا سفر وہ ہے جو ہم اندر کی طرف کرتے ہیں ۔ یہ حکمت ہمارے موجودہ تیزی سے بدلتے ہوئے دور میں رہنمائی کیلئے انتہائی ضروری ہے ۔
لفٹینٹ گورنر نے اتر پردیش کی حالیہ ترقی پر بھی روشنی ڈالی اور کہا کہ اس کی ترقی کا سفر مثالی رہا ہے ۔ انہوں نے ریاست کیلئے نیک خواہشات کا اظہار کیا کہ وہ مزید ترقی کرے اور پھلے پھولے ، آنے والے برسوں میں معاشی طور پر مزید بلندیاں چھوئے اور خوشحالی حاصل کرے ۔ ثقافتی شام میں ہاتھوس سے رُکن پارلیمنٹ مسٹر انوپ پردھان ، سینئر حکومتی افسران ، طلبہ اور یونین ٹیر یٹری میں رہنے والے اتر پردیش کے باشندوں نے شرکت کی ۔
