عبدالرحیم راتھر نے سورسیار چاڈورہ کا دورہ کر کے آگ سے متاثرہ کنبوں کی جاری اِمداد ی اقدامات کا جائزہ لیا

بڈگام// سپیکر قانون ساز اسمبلی عبدالرحیم راتھرنے سورسیارچاڈورہ میں دورہ کر کے وہاں آگ سے متاثرہ کنبوں میں جاری اِمدادی اقدامات کا جائزہ لیا۔سپیکر نے دورے کے دوران مقامی حکام کو ہدایت دی کہ وہ اس تباہ کن آگ کے واقعے سے ہوئے نقصانات کا فوری جائزہ لیں اور متاثرہ کنبوں کو فوری معاوضہ فراہم کریں۔اُنہوں نے مقامی حکام اور دیگر ریلیف تنظیموں سے بھی کہا کہ وہ ایک دوسرے کے ساتھ ہم آہنگی پیدا کریں اور متاثرہ کنبوںکو خوراک، کپڑے اور عارضی رہائش جیسی بنیادی ضروریات مہیا کریں۔عبدالرحیم راتھر نے متاثرہ کنبوں سے ملاقات کی اور انہیں ہر ممکن تعاون کا یقین دِلایا۔