سری نگر// جموں و کشمیر کے لیفٹیننٹ گورنر منوج سنہا نے جمعہ کی شام کو ہندوستانی فوج کی چنار کور کے ذریعہ بادامی باغ چھاؤنی میں 8ویں صدی کے ورثے کے مقام’چنار داروہر‘کا دورہ کیا۔جے کے این ایس کے مطابق سری نگرمیں تعینات پی آرائو ڈیفنس نے ایک بیان میں کہاکہ وراثت کے تحفظ کے اس منصوبے میں دو بڑی یک سنگی چٹان کے شیولنگوں، 7 گندھارا طرز کے مجسمے، اور یک سنگی مجسمے کے پیروں کی ایک بڑی چٹان کی تراش خراش کی شکل میں دوسری صدی کے کئی کھدائی شدہ مجسموں کی میزبانی کی گئی ہے۔انہوںنے کہاکہ اپریل سے جولائی 2021 تک، کشمیر میں مقیم ہندوستانی فوج کی15ویں کور نے کھدائی شدہ مجسموں کو مستعدی سے بحال کیا، ان کی نمائش کیلئے ایک تھیم والا ہیریٹیج پارک بنائی، اور ایس پی ایس میوزیم، سری نگر کی تکنیکی مدد سے1926کے تاریخی مقام کھدائی کی گئی 7 مزید پتھروں کے مجسموں کی تراشیدہ نقلیں دوبارہ بنائیں۔ پی آرائو ڈیفنس نے مزیدکہاکہ جمعہ کی شام یہاں منعقدہ تقریب کی صدارت لیفٹیننٹ گورنر نے کی جنہوں نے چنار کور کی جانب سے’ چنار داروہر‘میں قدیم پاندریٹھن یک سنگی6ویں صدی کے چٹانوں کے مجسموں کی تحقیق، بحالی اور تجدید کے ذریعے کیے گئے مثالی تحفظ کے کام کی تعریف کی۔لیفٹیننٹ گورنر نے کہا کہ انہیں خوشی ہے کہ قومی یادگاری اتھارٹی نے چنار کور کی اس کاوش کو ملک بھر میں ثقافتی ورثہ کے تحفظ کا کام کرنے والی کسی بھی ایجنسی کو پہلی مرتبہ تعریفی ایوارڈ کے ذریعے تسلیم کیا ہے۔لیفٹیننٹ گورنر نے مزید کہاکہ اس طرح کی انمول میراث ہماری زندہ تہذیبی ورثے، ہماری ثقافتی اور تاریخی روایات کا ایک لازمی حصہ ہے۔ چنار کور اس قسم کے پہلے اقدام کے لیے تعریف کی مستحق ہے۔
