سرینگر میں امید خواتین کی ہاٹ میں خواتین کے ایس ایچ جیز کے سامان عوام کی بڑی شرکت کو راغب کر رہے ہیں

سرینگر//جموں کشمیر دیہی روزی روٹی مشن ( جے کے آر ایل ایم ) کے زیر اہتمام روائتی دستکاری اور کھانا پکانے کی مہارتوں کی پانچ روزہ نمائش امید خواتین کی ہاٹ سرینگر کے بلیوارڈ میں اختتام پذیر ہوئی ۔ اس تقریب کا افتتاح چیف سیکرٹری ڈاکٹر ارون کمار مہتا نے 8 مارچ کو جموں میں کیا تھا ۔ امید وومن ہاٹ 4.5 لاکھ دیہی ایس ایچ جی اراکین کیلئے اپنی مصنوعات کی نمائش اور صارفین کے ساتھ ساتھ خریداروں سے براہ راست رابطہ قائم کرنے کیلئے ایک گردشی بازار سے منسلک پلیٹ فارم ہے ۔ اس موقع پر بات کرتے ہوئے ایم ڈی جے کے آر ایل ایم ڈاکٹر سحرش اصغر نے کہا کہ امید خواتین کی ہاٹ نمائش میں ہینڈ لوم ، ہینڈی کرافٹس ، غیر فارمی مصنوعات کے اسٹال تھے ۔ امید ہاٹ کے اندر مختلف کھانوں کے اسٹال دستیاب تھے اور کھانا پکانے کے فنکاروں نے تیار کیا تھا جو ڈویژن کے مختلف حصوں سے آئے تھے ۔ ایم ڈی نے مزید کہا کہ ’’ امید خواتین کی ہاٹ جموں کشمیر رورل لائیولی ہُڈس مشن ( جے کے آر ایل ایم ) کی طرف سے خواتین کو بااختیار بنانے کی ایک پہل ہے جس کے ذریعے دیہی خواتین کے سیلف ہیلپ گروپ ممبران کو ایک پلیٹ فارم کے نیچے لایا جا سکتا ہے جہاں وہ اپنی صلاحیتوں کا مظاہرہ کر سکتی ہیں ، اپنی مصنوعات فروخت کر سکتی ہیں ۔ ڈاکٹر سحرش نے مزید کہا کہ یہ تنظیم خواتین کو روزی روٹی کے مختلف ہنر کی تربیت دیتی ہے اور انہیں اپنی مصنوعات کی مارکیٹنگ کیلئے ایک پلیٹ فارم بھی فراہم کرتی ہے ۔ ان کے سٹال مکمل طور پر مفت ہیں اور ان کے قیام سمیت تمام اخراجات مشن برداشت کرتا ہے ۔ مشن ڈائریکٹر نے کہا کہ اس تقریب کا مقصد خواتین دستکاروں کو ایک پلیٹ فارم مہیا کرنا ہے تا کہ وہ خود کو فائدہ اٹھا سکیں اور اپنی مہارت کے ذریعے مارکیٹ میں جھانک سکیں ۔ مشن ڈائریکٹر نے یہ بھی انکشاف کیا کہ امید خواتین کی ہاٹ جموں جلد ہی قائم کی جائے گی ۔