سرینگر//وزیر برائے ایف سی ایس اینڈ سی اے ، آئی ٹی ، ٹرانسپورٹ ، یوتھ سروسز اینڈ سپورٹس مسٹر ستیش شرما نے کھیلوں میں نوجوانوں کی شرکت کو فروغ دینے کی طرف ایک قابل ذکر اقدام کے طور پر آج ڈون اسکول سرینگر میں ایپک وکٹری کرکٹ لیگ ( ای وی سی ایل ) ٹرایلز کا افتتاح کیا ۔ اس پروگرام میں وادی کشمیر کے خواہش مند کرکٹرز کی طرف سے پُر جوش شرکت کا مشاہدہ کیا گیا اور یو ٹی کی نچلی سطح کے کھیلوں کی ترقی کی کوششوں میں ایک اہم سنگِ میل کی نشاندہی کی ۔ اجتماع سے خطاب کرتے ہوئے وزیر نے ایونٹویسٹا پرائیویٹ لمٹیڈ کی طرف سے ای وی سی ایل کے ذریعہ شروع کردہ اقدام کی تعریف کی اور اسے جموں و کشمیر میں کرکٹنگ کی صلاحیتوں کی نشاندہی کرنے اور ان کی پرورش کیلئے ایک طاقتور پلیٹ فارم کے طور پر بیان کیا ۔ انہوں نے کہا کہ حکومت نوجوان کھلاڑیوں کو قومی اور بین الاقوامی سطح پر یو ٹی کی ترقی اور نمائندگی کرنے میں مدد کیلئے نئی راہیں اور ادارہ جاتی سپورٹ سسٹم بنانے کیلئے پُر عزم ہے ۔ وزیر نے کہا کہ جموں و کشمیر میں صلاحیتوں کی کوئی کمی نہیں ہے جہاں صرف صحیح موقع اور ایک معاون ماحولیاتی نظام کی ضرورت ہے۔ ای وی سی ایل جیسے اقدامات نہ صرف ٹیلنٹ پول کے طور پر کام کرتے ہیں بلکہ کھیلوں کے ذریعہ نوجوانوں کو بااختیار بنانے کے ہمارے مشترکہ وژن کی بھی عکاسی کرتے ہیں ۔ اس پروگرام میں سابق ہندوستانی کرکٹر اور آئی پی ایل پلئیر انوریت سنگھ نے بھی شرکت کی ۔
