اُوڑی//وزیر برائے خوراک ، شہری رسدات و اَمورِ صارفین ،ٹرانسپورٹ ، سائنس و ٹیکنالوجی ، اِنفارمیشن ٹیکنالوجی ، اَمورِ نوجوان و کھیل کود ستیش شرما نے اُوڑی کے سرحدی علاقے میںبنیادی ڈھانچے کی ترقی کو فروغ دینے کے لئے ایک اہم قدم میں آج دو اہم عوامی ترقیاتی پروجیکٹوں’انڈور سٹیڈیم اور ٹی ایس او آفس بلڈنگ‘ کا سنگ بنیاد رکھا۔ اِس موقعہ پررُکن قانون سا ز اسمبلی اوڑی ڈاکٹر سجاد شفیع، سینئر ڈِسٹرکٹ اَفسران، پی ڈبلیو ڈی (آر اینڈ بی)ڈویژن اوڑی کے اَفسران ، بلدیاتی اِداروں کے نمائندگان اورمقامی لوگ موجود تھے۔وزیرموصوف نے دُور دراز اور سرحدی علاقوں میں کھیلوں کے بنیادی ڈھانچے کو مضبوط بنانے کے لئے حکومت کے عزم کو اُجاگر کیا۔ اُنہوں نے کہا، ’’ اِنڈور سٹیڈیم میں جدید سہولیات ہوں گی جیسے کہ کثیرالمقاصد انڈر کورٹس، سیٹنگ گیلریز، چینجنگ رومز، آرام گاہیںکے علاوہ نوجوانوں اور اُبھرتے ہوئے کھلاڑیوں کے لئے تربیت اور کوچنگ کی سہولیات بھی فراہم کی جائیں گی۔‘‘اُنہوںنے کہا کہ یہ منصوبہ اُوڑی کے نوجوانوں کے لئے ایک اہم سنگِ میل ہیجنہوں نے کھیلوں کے مختلف شعبوں میں مسلسل ہنر اور جوش کا مظاہرہ کیا ہے۔ اُنہوں نے اِس بات پر زور دیا کہ حکومت اس بات کو یقینی بنانے کے لئے ٹھوس اقدامات کر رہی ہے کہ دور دراز علاقوں کا کھیلوں کابنیادی ڈھانچہ شہری مراکز کے برابر ہو۔اُنہوں نے کہا،’’ہمارے نوجوان جغرافیہ سے قطع نظر بہترین مواقع کے مستحق ہیں۔ یہ انڈورسٹیڈیم نہ صرف کھیلوں کی سرگرمیوں کو فروغ دے گا بلکہ نوجوانوں میں نظم و ضبط، ٹیم ورک اور فِٹنس کو بھی پروان چڑھائے گا۔‘‘بعد میں وزیر ستیش شرما نے طویل عرصے سے زیر اِلتوأ ٹی ایس اوکی عمارت کا سنگ بنیاد رکھا جس سے خوراک، شہری رسدات و اَمورصارفین محکمہ کے کام کاج میں سہولیت آئے گی۔اُنہوںنے کہا کہ ٹی ایس او آفس کے قیام سے لوگوں کے لئے ضروری خدمات تک رسائی آسان ہوگی اور محکمانہ کارروائیوں میں شفافیت اور کارکردگی میں اضافہ ہوگا۔وزیر موصوف نے لوگوں سے بات چیت کرتے ہوئے اِس بات پر زور دیا کہ اوڑی جیسے سرحدی علاقوں کو بنیادی ڈھانچے کی ترقی اور سماجی بااختیار بنانے کے معاملے میں حکومت کی طرف سے توجہ دی جا رہی ہے۔ اُنہوں نے اوڑی کو اس کے موسمی فائدے کے پیش نظر ہر موسم میں کھیلوں کے لئے ترقی یافتہ مقام بنانے کی ضرورت پر بھی زور دیا اور لوگوں کو یقین دِلایا کہ دونوں منصوبے مقررہ وقت کے اندر مکمل کئے جائیں گے۔اُنہوںنے کہا، ’’معیاری معیار کی سخت نگرانی کی جائے گی اور محکمے منصوبوں کی تکمیل میں تاخیر سے بچنے کے لئے قریبی تال میل کے ساتھ کام کریں گے۔ اِس کے علاوہ اُوڑی کے لئے اضافی ترقیاتی کام بھی زیر غور ہیں۔‘‘رُکن قانون ساز اسمبلی اوڑی ڈاکٹر سجاد شفیع نے وزیر ستیش شرما کی اوڑی کی ترقی پر مسلسل توجہ دینے کے لئے سراہنا کی اور کہاکہ یہ منصوبے کھیلوں کے بنیادی ڈھانچے اور اِنتظامی سہولیات میں اہم خلا کو دور کریں گے۔ اوڑی کے نوجوان اور شہری ان ترقیات سے بھرپور فائدہ اُٹھائیں گے۔
