سری نگر//سرکاری ذرائع نے کہاہے کہ رواں سال اب تک تقریباًاڑھائی لاکھ سیاح کشمیر کا دورہ کر چکے ہیں اور اگست میں سب سے زیادہ ملکی وغیرملکی سیاح یہاں آئے ۔کشمیرنیوزسروس کے مطابق ایک میڈیا رپورٹ میں سرکاری اعداد و شمار کاحوالہ دیتے ہوئے یہ جانکاری فراہم کی گئی ہے کہ امسال ماہ اگست2021 تک 2لاکھ41ہزاراور35 سیاحوں نے وادی کا دورہ کیا۔جن میں 796 غیر ملکی سیاح بھی شامل ہیں۔اعداد و شمارکے مطابق صرف ماہ اگست میں تقریبا ً50ہزارسیاحوں نے وادی کا دورہ کیا۔ کشمیرآنے والے زیادہ ترملکی سیاحوں کا تعلق مہاراشٹر ، مغربی بنگال اور تمل ناڈو سے تھا۔ سرکاری اعداد و شمار کے مطابق ماہ جولائی میں 48ہزار858 ،ماہ جون میں16ہزار سیاح واردکشمیر ہوئے ۔سرکاری ذرائع کے مطابق ماہ جون میں کم تعدادمیں سیاحوںکی آمد کی بنیادی وجہ کوروناوائرس کاپھیلائو تھا۔سرکاری ذرائع کامانناہے کہ گزشتہ برس موسم سرما کے دوران سیاحوں کی بڑی تعدادکے یہاں سفیدچادر کا مشاہدہ کرنے کے بعد ، سیاحوں کی آمد اُس وقت ناکام ہوگئی جب اس سال ماہ اپریل میںکورونا کی دوسری لہر ملک میں آئی۔ بعد میں حکام نے وائرس کے پھیلاؤ کو روکنے کے لئے لاک ڈاؤن لگا دیا۔ذرائع کے مطابق پچھلے سال ، لاک ڈاؤن اور کوویڈ 19 کے معاملات میں اضافے کے باوجود کل4لاکھ80ہزار سیاحوں نے کشمیر کا دورہ کیا۔انہوں نے کہاکہ ہم امسال سیاحت کے کھلاڑیوں کے موسم خزاں اور سردیوں میں ریکارڈ توڑ آمد کی اُمید کرتے ہیں۔میڈیارپورٹ کے مطابق صدر ٹریول ایجنٹس ایسوسی ایشن آف کشمیر فاروق احمد کتھو نے کہا کہ ہم خزاں اور سردیوں میں بھی اچھی تعدادمیں سیاحوںکی آمد کی توقع کرتے ہیں۔انہوںنے کہاکہ گزشتہ سال ہم نے سردیوں میں100 فیصد ہوٹل کمرے بُک پائے۔حکام نے کہاکہ محکمہ سیاحت نے کشمیر کو ایک خاص سیاحتی مقام کے طور پر بیچنے اور موسم خزاں اور سردیوں میں قدم بڑھانے کے لئے ایک جارحانہ پروموشنل بلٹز کریگ کا منصوبہ بنایا ہے۔انہوں نے کہاکہ ملکی وغیرملکی سیاحوںکوراغب کرنے کیلئے خصوصی پروگرام اکتوبر میں شروع ہوں گے اور مارچ تک جاری رہیں گے۔انہوں نے کہاکہ محکمہ نے سیاحت کو بڑے پیمانے پر فروغ دینے کیلئے حکمت عملی مرتب کی ہے۔
