اس پیغام کو عالمی اقوام تک پہنچانے کیلئے بھارت اپنے آل پارٹی وفود مختلف ممالک کو بھیج رہا ہے/ کرن رججو
سرینگر// بھارت نے ہمیشہ امن کی حمایت کی ہے لیکن وزیر اعظم نریندر مودی نے پاکستان کے زیر اہتمام دہشت گردوں کے ذریعہ ہمارے معصوم شہریوں کی ہلاکت کے جواب میں آپریشن سندھور شروع کیا کی بات کرتے ہوئے پارلیمانی امور کے وزیر کرن رججو نے کہا کہ دنیا کو یہ بتانے دیں کہ ہندوستان امن کی حمایت کرتا ہے، لیکن دہشت گردانہ حملوں کا جواب دے گا ہندوستان اس سلسلے میں اپنے آل پارٹی وفود مختلف ممالک کو بھیج رہا ہے۔سی این آئی کے مطابق پارلیمانی امور کے وزیر کرن رججو نے کہا کہ دنیا کو یہ بتانا ضروری ہے کہ ہندوستان امن کی حمایت کرتا ہے، تاہم وہ دہشت گردی کی کسی بھی کارروائی کے خلاف سخت کارروائی کرے گا۔ انہوں نے مزید کہا کہ ہندوستان اس سلسلے میں اپنے آل پارٹی وفود مختلف ممالک کو بھیج رہا ہے۔رججو نے یہاں نامہ نگاروں کو بتایا’’ہندوستان نے ہمیشہ امن کی حمایت کی ہے۔ وزیر اعظم نریندر مودی نے پاکستان کے زیر اہتمام دہشت گردوں کے ذریعہ ہمارے معصوم شہریوں کی ہلاکت کے جواب میں آپریشن سندھور شروع کیا‘‘۔انہوں نے مزید کہا کہ ہندوستان کے وفود مختلف ممالک میں جا رہے ہیں اور وہ ہندوستان کا رخ پیش کریں گے۔ دنیا کو یہ بتانا ضروری ہے کہ ہندوستان امن کا حامی ہے اور دہشت گردی کی حمایت کرنے والوں کے خلاف کارروائی کرے گا، اور دنیا کو بھی اس کی حمایت کرنی چاہیے‘‘۔کل جماعتی وفود کے ارکان کے انتخاب پر کانگریس کی تنقید پر ردعمل ظاہر کرتے ہوئے انہوں نے کہا کہ مندوبین اپنی پارٹیوں کی نہیں بلکہ اپنے ملک کی نمائندگی کریں گے۔انہوں نے کہا کہ یہ سیاست کا موضوع نہیں ہے یہ وفود کسی پارٹی کی نہیں ملک کی نمائندگی کرنے جا رہے ہیں۔حکومت نے کانگریس کے تجویز کردہ چار ناموں میں سے تین کو نظر انداز کرنے کے بعد کل جماعتی وفود کے لیے اراکین کی نامزدگی کے عمل کو لے کر سیاسی تنازع کھڑا ہو گیا ہے۔دریں اثنا، مواصلات کے انچارج کانگریس جنرل سکریٹری، جے رام رمیش نے حکومت پر تنقید کی، اور اہم شراکت دار ممالک میں وفد بھیجنے کے فیصلے کو ’’ڈیمیج کنٹرول ‘‘کی کوشش قرار دیا۔کانگریس کے مطابق، پارٹی نے 16 مئی تک پارلیمانی امور کے وزیر کو چار نام پیش کیے تھے، لیکن 17 مئی کو دیر سے جاری ہونے والی حتمی فہرست میں تجویز کردہ ناموں میں سے صرف ایک نام شامل تھا۔
