سرمائی اورگرمائی راجدھانی میںرہائش گاہیں21، اگست تک خالی کرنی کی مہلت
سری نگر//جموں و کشمیر حکومت نے جموں وسری نگرمیں سرکاری ملازمین کی زیرتحویل سرکاری رہائش گاہوں کوخالی کرانے کیلئے منگل کے روزدربارمئوسے وابستہ رہے ملازمین کوتین دنوں کی خصوصی رُخصتی دے دی تاکہ ایسے ملازمین جلد سے جلد سرمائی اورگرمائی راجدھانی میں زیرتحویل سرکاری رہائش گاہوں کوخالی کریں ۔جے کے این ایس کے مطابق حکومت نے دربار مو ملازمین کے ذریعہ جموں اور سری نگر میں زیرتحویل رکھے گئے رہائشی کوارٹروں کوخالی کرنے کیلئے مقررہ وقت میں 21،اگست تک توسیع کردی ۔کمشنرسیکرٹری منوج کمار دویدی کی جانب سے27جولائی کو جاری کردہ ایک سرکاری آرڈرمیں لکھاگیاہے کہ گزشتہ آرڈرکے مطابق دربارمئو سے وابستہ ملازمین کوجموں اورسری نگرمیں اُن کے زیرتحویل پڑے سرکاری رہائش گاہوںکو20جولائی2021تک خالی کرناتھا ،اوراب یہ سرکاری رہائش گاہیںخالی کرنے کی معیاد میں 30دنوں کی توسیع کی گئی ہے ،جسکے تحت اب متعلقہ ملازمین جموں اورسری نگرمیں سرکاری رہائش گاہوں کو21اگست2021تک خالی کرسکتے ہیں ۔کمشنرسیکرٹری منوج کمار دویدی نے جاری حکومتی حکمنامے میں آگے لکھاہے کہ تمام انتظامی محکموںنیز محکموں کے سربراہان سے کہاگیاہے کہ وہ جموں اور سری نگر میں رہائشی رہائش خالی کرنے کیلئے تمام متعلقہ ملازمین کے حق میں 3 دن کی خصوصی آرام دہ چھٹی یا رُخصتی منظور کریں گے۔حکومتی آرڈر میں کہا گیا ہے کہ اسٹیٹ ڈیپارٹمنٹ جموں اور سری نگر دونوں ملازمین کے حق میں پریشانی سے بغیراین ائوسی یا کلیئرنس جاری کرنے کے لئے ایک مناسب طریقہ کار وضع کرے گا۔خیال رہے 29 جون کو محکمہ اسٹیٹ نے جموں کے ساتھ ساتھ سری نگر میں بھی دربار موو ملازمین کی رہائشی رہائش کی الاٹمنٹ منسوخ کردی تھی اور ان سے21 دن کے اندر رہائش خالی کرنے کو کہا تھا۔ تاہم ، ملازمین نے شکایت کی تھی کہ عمل کو مکمل کرنے کے لئے ٹائم فریم کافی نہیں ہے۔غورطلب ہے کہ 20 جون کو ، لیفٹیننٹ گورنر منوج سنہا نے اعلان کیا تھا کہ جموں وکشمیر انتظامیہ مکمل طور پر ای آفس میں منتقل ہوگئی ہے ، اور اس طرح ششمائی دربار اقدام کی 149 سالہ پرانی مشق ختم ہوگئی۔
