سری نگر//جموں کشمیر حکومت نے قبائلی علاقوں کیلئے انٹی گریٹڈ ولیج ڈیولپمنٹ اسکیم ( آئی وی ڈی ایس ) کے آغاز پر کام شروع کیا ہے ۔ اس سکیم میں قبائلی ترقی کیلئے خصوصی وسطی امداد کے تحت انٹی گریٹڈ ولیج ڈیولپمنٹ پلان ( آئی وی ڈی پی ) تشکیل دینا ہے جس کا مقصد قبائلی علاقوں میں مرکوز ترقی اور ایک بنیادی ڈھانچے کی خلاء کو پُر کرنا ہے ۔ آئی وی ڈی پی کے تحت گاؤں کے منصوبے کے علاوہ 400 سے زیادہ قبائلی دیہات میں بنیادی ڈھانچے میں فرق کو پورا کرنے کیلئے 98 کروڑ روپے کی خصوصی گرانٹ فراہم کی جائے گی ۔ اس اسکیم کو محکمہ قبائلی امور نے محکمہ دیہی ترقیات اور ضلعی انتظامیہ کے اشتراک سے نافذ کیا ہے ۔ قبائلی امور کے سیکرٹری ڈاکٹر شاہد اقبال چودھری نے 500+ قبائلی آبادی والے تمام دیہاتوں کیلئے انٹی گریٹڈ ولیج ڈیولپمنٹ پلان تشکیل دینے کیلئے ضلعی ٹیموں کے ساتھ اجلاس طلب کیا ۔ جس میں ڈائریکٹر رورل ڈیولپمنٹ ڈیپارٹمنٹ کشمیر /جموں ، چیف پلاننگ آفیسر ز ، ضلعی شماریات و تشخیصی افسران ، اسسٹنٹ کمشنرز ڈیولپمنٹ اور تمام اضلاع کے ضلعی پنچائت افسران موجود تھے ۔ ڈائریکٹر قبائلی امور ، سیکرٹری جی اینڈ بی ایڈوائیزری بورڈ ، ڈائریکٹر پلاننگ اور محکمہ قبائلی امور کے دیگر افسران نے بھی اجلاس میں شرکت کی ۔ قبائلی ترقیاتی اقدام کے تحت انٹی گریٹڈ ولیج ڈیولپمنٹ پلان کے تحت تمام شعبوں میں بنیادی ڈھانچے کی خلاء کو پُر کرنے کے منصوبے پر غور کیا گیا ہے ۔ منصوبے کی تشکیل اور گاؤں کی ترجیح 14 مختلف شعبوں میں مانیٹرنگ کے قابل 55 مختلف پیرا میٹرز پر کی جائے گی ۔ اس سکیم کو 100 فیصد گرانٹ ان ایڈ کی بنیاد پر نافذ کیا جائے گا اور دیہات کے انتخاب پر پہلی قسط فوری طور پر جاری کی جائے گی جبکہ دوسری قسط دیہاتی ترقیاتی منصوبوں کی منظوری کے بعد جاری کی جائے گی ۔ جس کو اضلاع کے ذریعہ وضع کیا جائے گا ۔ ریاستی سطح کی کمیٹی اضلاع سے موصولہ تجاویز پر غور اور منظوری دے گی ۔
