عوام تیسرے اور آخری مرحلہ میں زیادہ سے زیادہ ووٹ دیں /چیف الیکشن کمشنر راجیو کمار
سرینگر // جموں و کشمیر اسمبلی انتخابات کے تیسرے مرحلے کی ووٹنگ کے موقع پر چیف الیکشن کمشنر راجیو کمار نے ووٹروں سے زیادہ تعداد میں حصہ لینے کی اپیل کی۔سی این آئی کے مطابق جموں کشمیر میں تیسرے اور آخری مرحلہ میں آج یعنی منگل وار کو ووٹ ڈالیں جا رہے ہیں جس دوران چیف الیکشن کمشنر راجیو کمار نے ووٹران سے اپیل کی ہے کہ وہ زیادہ سے زیادہ ووٹ ڈالیں ۔ کمار نے جموں و کشمیر کے لوگوں کو ریکارڈ تعداد میں حصہ لینے پر مبارکباد دی۔ انہوں نے کہا پہلے مرحلے میں ووٹ ڈالنے کی شرح 61.38فیصدی اور دوسرے مرحلے میں یہ 57.32فیصدی ری ۔ کمار نے کہا’’میں جموں و کشمیر کے لوگوں کو جمہوریت کے جشن میں شرکت کے لیے مبارکباد دیتا ہوں۔ ہم نے ووٹنگ کے فیصد، امیدواروں کی تعداد، جلوسوں اور مہم میں اضافہ دیکھا۔ پولنگ کے آخری دو مرحلوں میں بائیکاٹ یا دوبارہ پولنگ کا کوئی معاملہ سامنے نہیں آیا۔ یہ ووٹر ٹرن آؤٹ تاریخی ہے۔ ہم معاشرے کے ہر طبقے سے اپیل کرتے ہیں کہ وہ انتخابات کے تیسرے مرحلے میں اپنا ووٹ ڈالیں۔ 17 اسمبلی حلقوں میں خواتین کا ووٹنگ فیصد مردوں کے مقابلے زیادہ ہے‘‘۔پہلے مرحلے کی ووٹنگ 18 ستمبر کو ہوئی تھی اور دوسرا مرحلہ 25 ستمبر کو ختم ہوا تھا۔ تیسرے مرحلے میں منگل کو 40 حلقوں میں ووٹ ڈالے جائیں گے۔ الیکشن کمیشن آف انڈیا (ای سی آئی) کے مطابق، ووٹوں کی گنتی 8 اکتوبر کو ہونے والی ہے، جس کے کچھ ہی دیر بعد نتائج متوقع ہیں۔
