عدالت نے سی جے ایم کے پاس جاکر وہاں مانگینے کی صلاح دی
سرینگر//گاندربل کے ڈپٹی کمشنر شیامبیر سنگھ نے پیر کو خود عدالتی کٹہرے میں پہنچے ۔ وہ چیف جوڈیشل مجسٹریٹ (سی جے ایم)، گاندربل کی طرف سے اپنے خلاف لگائے گئے توہین عدالت کے الزامات کا جواب دینے کے لیے ہائی کورٹ میں حاضر ہوئے۔ معافی مانگنے کے باوجود، عدالت نے سی جے ایم گاندربل سے رجوع کرکے پچھتاوے کا مزید ٹھوس مظاہرہ کرنے کی ہدایت کی۔وائس آف انڈیا کے مطابقگاندربل کے ڈپٹی کمشنر شیامبیر سنگھ نے پیر کو خود عدالتی کٹہرے میں پہنچے۔ اس موقعے پر جسٹس اتل سریدھرن اور جسٹس سنجیو کمار پر مشتمل جموں و کشمیر اور لداخ ہائی کورٹ کے ڈویژن بنچ کے سامنے پیش ہوئے، ڈی سی نے توہین عدالت کے الزامات پر اپنا جواب پیش کیا۔ تاہم عدالت اس وضاحت سے مطمئن نہیں ہوئی۔عدالت نے کہا کہ یہ غیر متوقع حالات کی وجہ سے تھا، میں کبھی بھی عدالت کی بے عزتی نہیں دیکھ سکتا۔ اس موقعے پر ڈی سی موصوف نے کہاکہ میں معذرت خواہ ہوں۔تاہم عدالت متاثر نہیں ہوئی۔ عدالت نے کہا کہ اگر آپ مخلص ہیں، تو CJM گاندربل کے پاس جائیں اور وہاں معافی مانگیں۔ تب آپ کی معافی پر غور کیا جا سکتا ہے۔عدلیہ اور ایگزیکٹو کے الگ الگ کردار پر روشنی ڈالتے ہوئے، عدالت نے کہا، ’’ہم (عدلیہ) آپ کو (ایگزیکٹیو) کو کبھی نہیں بتاتے کہ آپ کا کام کیسے کرنا ہے۔ آپ یہ کیسے کر سکتے ہیں؟۔ اگر آپ کو لگتا ہے کہ کوئی حکم غلط ہے تو آپ ہائی کورٹ سے رجوع کر سکتے تھے۔عدالت نے ڈی سی کو سی جے ایم سے رجوع کرنے کی ہدایت دینے سے انکار کردیا لیکن مشورہ دیا کہ اگر وہ مخلص ہیں تو وہ رضاکارانہ طور پر ایسا کریں۔ کیس کی سماعت 14 اگست بروز بدھ تک ملتوی کر دی گئی ہے۔قابل ذکر بات یہ ہے کہ 2022 سے ڈپٹی کمشنر گاندربل کے طور پر خدمات انجام دینے والے 2018 بیچ کے آئی اے ایس افسر شیامبیر سنگھ کے خلاف توہین عدالت کا مقدمہ ایک زمینی تنازعہ کی وجہ سے ہے۔ڈی سی پر الزام ہے کہ انہوں نے جج پر دباؤ ڈالا اور بغیر کسی نوٹس کے جج کی زمین کا سروے کرنے کے لیے ریونیو ٹیم کو تعینات کرکے عدالتی عمل میں مداخلت کی۔چیف جوڈیشل مجسٹریٹ نے توہین عدالت کی کارروائی شروع کی جسے بعد میں ہائی کورٹ سے بھیجا گیا اور اب اس کی سماعت ہو رہی ہے۔شیامبیر سنگھ سابق مرکزی وزیر اور سینئر بی جے پی لیڈر پرہلاد سنگھ پٹیل کے داماد ہیں۔
