بی جے پی دور میں ہندو نہیں بلکہ جمہوریت اور ہندوستان ہے بھی خطرے میں :محبوبہ مفتی

سرینگر//ووٹ بینک حاصل کرنے کیلئے بی جے پی پر طالبان ، افغانستان اور پاکستان کے مسائل پر سیاست کھیلنے کا الزام عائد کرتے ہوئے پی ڈی پی کی صدر محبوبہ مفتی نے کہا کہ ہندو نہیں بلکہ جمہوریت اور ہندوستان ہے بی جے پی کے دور حکومت میں خطرے میں ہے ۔ سی این آئی کے مطابق خطہ پیر پنچال کے پانچ رو زہ دورے کے بعد پی ڈی پی صدر اتوار کو جموںپہنچی جہاں انہوں نے پارٹی کارکنوں اور ورکران سے خطاب کیا ۔ انہوں نے بی جے پی اور مرکزی سرکار کو تنقید کا نشانہ بناتے ہوئے کہا کہ کسانوں کے مسائل ، مہنگائی اور دیگر مسائل کئی دیکھتے ہی نہیںہے اور صرف طالبان کی باتیں کی جا رہی ہے ۔ محبوبہ مفتی نے خطاب کرتے ہوئے کہا کہ جموں و کشمیر مشکلات میں ہے اور یہی حالت پورے ملک کی ہے ۔ پیپلز ڈیموکریٹک پارٹی کے سربراہ نے کہا کہ جیسے جیسے مختلف ریاستوں میں انتخابات قریب آتے جارہے ہیں ، بی جے پی طالبان اور افغانستان کو منشور بنا لیتی ہے ۔ اگر آپ لوگوں کو خوفزدہ کرنا چاہتے ہیں تو طالبان ، افغانستان اور پاکستان کے بارے میں بات کریں اور یہاں اور وہاں کچھ کریں اور ووٹ مانگیں۔اتر پردیش میں آئندہ اسمبلی انتخابات کا حوالہ دیتے ہوئے محبوبہ مفتی نے الزام لگایا کہ بی جے پی کے موجودہ ریاستی وزیر اعلیٰ نوکریاں ، سڑکیں اور اسکول فراہم کرنے میں ناکام رہے جبکہ گنگا ندی کو جو کہ ملک کے لوگوں کے لیے مقدس سمجھا جاتا ہے ، کو ڈمپنگ گراؤنڈ بنا دیا گیا۔ انسانی لاشیں کیونکہ لوگوں کے پاس اپنے رشتہ داروں کی آخری رسومات ادا کرنے کے لیے پیسے نہیں ہیں۔ان کے پاس عوام کو فروخت کرنے کے لیے کچھ نہیں ہے اور اس لیے وہ ووٹ حاصل کرنے کیلئے پاکستان اور جموں وکشمیر کا استعمال کریں گے۔ انہوں نے جموں وکشمیر کو تباہ کر دیا ہے اور لوگوں پر ظلم کرنے کے لیے لاٹھی استعمال کر رہے ہیں جنہیں اپنے حقوق کے لیے کھل کر بولنے کی اجازت نہیں ہے۔کسانوں کی تحریک ، بڑھتی ہوئی بے روزگاری ، افراط زر اور ملک کو درپیش دیگر مسائل ہماری بحثوں کا محور ہونا چاہیے تھا لیکن ان اہم مسائل پر کوئی بحث نہیں ہوئی۔ چونکہ یوپی میں انتخابات قریب آرہے ہیں ، اس لیے طالبان اور افغانستان پر زیادہ بحث ہوگی۔