بنگلورو کے ایم چناسوامی اسٹیڈیم میں آئی پی ایل کی جیت کے جشن کے دوران بھگدڑ میں 11 لوگوں کی موت کے افسوسناک واقعہ سے سبق حاصل کرتے ہوئے ہندوستانی کرکٹ کنٹرول بورڈ (بی سی سی آئی) نے سخت اقدامات کیے ہیں۔ اس سلسلے میں اس نے کچھ رہنما اصول تیار کیے ہیں۔ جس کے تحت آئی پی ایل جیتنے کے بعد کوئی ایونٹ یا روڈ پریڈ کے لیے بی سی سی آئی سے ٹیموں کو اجازت لینی ہوگی۔’انڈیا ٹودے‘ سے بات کرتے ہوئے بی سی سی آئی کے سکریٹری دیوجیت سیکیا نے تصدیق کی ہے کہ بورڈ اس معاملے کو پوری سنجیدگی سے لے رہا ہے۔ سیکیا نے کہا کہ آئی پی ایل کے بعد عوامی طور سے جشن منانے کی خواہش رکھنے والی سبھی ٹیموں کے لیے رسمی رہنما اصول اب لازمی ہوں گے۔ بی سی سی آئی نے آر سی بی کے ایونٹ میں جو ہوا، اس سے خود کو الگ کر لیا تھا کیونکہ بی سی سی آئی یا آئی پی ایل کا کوئی بڑا افسر ایونٹ میں موجود نہیں تھا۔بنگلورو میں ہوئی بھگدڑ کو سنجیدگی سے لیتے ہوئے بی سی سی آئی نے کچھ رہنما اصول تیار کیے ہیں جن کو پورا کرنے کے بعد ہی کوئی ٹیم آئی پی ایل جیتنے کے بعد تقریب (ایونٹ) منعقد کر پائے گی یا روڈ شو کر پائے گی۔
بی سی سی آئی کے رہنما اصول:
۱۔ کوئی بھی ٹیم ٹرافی جیتنے کے 4-3 دن تک سیلبریشن ایونٹ منعقد نہیں کرے گی۔
۲۔ جلد بازی اور خراب مینجمنٹ سے بچنے کے لیے فوری کارروائی کی اجازت نہیں دی جائے گی۔
3۔ کسی بھی ایونٹ کے انعقاد سے پہلے ٹیموں کو بی سی سی آئی سے رسمی طور پر اجازت لینی ہوگی۔
4۔ بورڈ کے کلیئرنس کے بعد ہی کوئی ایونٹ ٹیمیں منعقد کر پائیں گی۔
5۔ 4 سے 5 لیئر کی سیکوریٹی پروٹوکال کو فالو کرنا ہوگا۔
6۔ کئی لیئر کی سیکوریٹی ہر ایک وینیو اور سفر کے دوران موجود ہونی چاہیے۔
7۔ ایئر پورٹ سے ایونٹ وینیو تک سیکوریٹی کا انتظام ہونا چاہیے۔
8۔ کھلاڑیوں اور سپورٹ اسٹاف کو ایونٹ کے دوران پوری سیکوریٹی ملنی چاہیے۔
9۔ ضلع پولیس، ریاستی حکومت اور لوکل اتھاریٹی سے ایونٹ کے لیے اجازت ہونی چاہیے۔
10۔ ایونٹ کو قانونی اور محفوظ طور پر منعقد کرنے کے لیے سویلین اور لاء انفورسمنٹ باڈیز سے اجازت ملی ہونی چاہیے۔
