نئی دہلی/یو این آئی// سپریم کورٹ نے چہارشنبہ کے روز فیصلہ سنایا کہ مغربی بنگال میں انتخابی فہرستوں کے اسپیشل انٹینسیو ریویژن (ایس آئی آر) کے دوران 10ویں جماعت یا مادھیمک کے امتحان کے ہال ٹکٹ کو شناختی تصدیق کے ضمنی دستاویزات کے طور پر استعمال کیا جا سکتا ہے ، لیکن اس کے ساتھ امتحان پاس کرنے کا سرٹیفکیٹ بھی پیش کرنا بھی ضروری ہے ۔سابقہ حکم میں، عدالت عظمیٰ نے آدھار سمیت دیگر دستاویزات کے ذریعہ شناخت کی تصدیق کے لیے مادھیمک ہال ٹکٹ کے استعمال کی اجازت دی تھی۔ سپریم کورٹ نے کہا کہ اس نے پہلے ہی اشارہ دیا ہے کہ ایڈمٹ کارڈ صرف ضمنی دستاویز ہو گا، ہولڈر کی شناخت کی تصدیق کا واحد ذریعہ نہیں۔ چیف جسٹس سوریہ کانت اور جسٹس جوائیمالیہ باغچی پر مشتمل بنچ نے واضح کیا کہ اگر ایس آئی آر کے دوران دسویں جماعت کے داخلہ کارڈ کو ضمنی دستاویز کے طور پر استعمال کرنا ہے تو اس کے ساتھ امتحان پاس کرنے کا سرٹیفکیٹ بھی ہونا ضروری ہے ۔
