جموں و کشمیر کے کسانوں کو فائدہ پہنچنے کا امکان /ماہرین معیشت
سرینگر// جیسا کہ مرکزی حکومت نے باسمتی چاول پر 950ڈالر فی ٹن کی کم از کم برآمدی قیمت (MEP) کو ختم کرنے کا فیصلہ کیا ہے، جو کہ ایک سال پہلے عائد کی گئی تھی، جموں و کشمیر کے کسان اس سال بہتر منافع کی توقع کر رہے ہیں۔باسمتی بنیادی طور پر جموں کے میدانی علاقوں اور وادی کشمیر کے کچھ حصوں میں اگائی جاتی ہے، اور کسانوں کو روایتی اقسام کے مقابلے میں بہتر قیمت مل رہی ہے۔مالی سال 2024میں، ہندوستان نے ریکارڈ 5.24 میٹرک ٹن خوشبو دار چاول برآمدکئے، جس کی قیمت 5.83 بلین ڈالر، تقریباً 51000 کروڑ روپے تھی۔باسمتی چاول کیلئے ایم ای پی کے خاتمے پر، وزارت تجارت نے ایک بیان میں کہا ہے کہ زرعی اور پراسیسڈ فوڈ پروڈکٹس ایکسپورٹ ڈیولپمنٹ اتھارٹی (اے پی ای ڈی اے) باسمتی چاول کی غیر حقیقت پسندانہ قیمتوں کو روکنے اور شفافیت کو یقینی بنانے کے لئے برآمدی معاہدوں کی کڑی نگرانی کرے گی۔۔وزارت نے کہا کہ 1200 ڈالر فی ٹن فلور پرائس، جو اگست 2023 میں متعارف کرائی گئی تھی، چاول کی بڑھتی ہوئی گھریلو قیمتوں سے نمٹنے اور غیر باسمتی چاول کی غیر باسمتی سفید پر برآمدی ممانعت کی روشنی میں باسمتی کے طور پر غیر باسمتی چاول کی ممکنہ غلط درجہ بندی کو روکنے کے لیے ایک عارضی اقدام تھا۔ چاول اکتوبر 2023 میں خوشبودار اور طویل دانوں والے چاولوں پر MEP کو کم کر کے950ڈالر فیٹن کر دیا گیا تھا۔خوشبودار اور لمبے دانے والے چاول عالمی منڈی میں ایک اعلیٰ درجہ رکھتے ہیں۔بھارت کے پاس عالمی خوشبودار چاول کی مارکیٹ کا تقریباً 80 فیصد حصہ ہے، جبکہ پاکستان کے پاس باسمتی چاول کی برآمدات میں بقیہ 20 فیصد ہے۔ جغرافیائی اشارے (GI) سے منسلک باسمتی چاول پنجاب، ہریانہ، مغربی اتر پردیش، جموں اور کشمیر اور اتراکھنڈ کے تقریباً 70 اضلاع میں اگایا جاتا ہے۔خوشبودار اور لمبے دانے والے چاول کے متعدد برآمد کنندگان نے حکومت پر زور دیا ہے کہ وہ غیر باسمتی سفید چاول کی برآمد پر پابندی اور ابلے ہوئے چاول پر 20 فیصد ایکسپورٹ ڈیوٹی بھی ختم کرے۔ ان کا کہنا تھا کہ یہ غیر باسمتی چاول کی غلط درجہ بندی یا غیر قانونی ترسیل کو روکے گا، جو باسمتی چاول پر ایم ای پی کے خاتمے سے فائدہ اٹھا سکتا ہے۔تجارتی ذرائع نے 1509 باسمتی دھان کی ابتدائی کٹائی کی منڈی قیمت میں ریکوری کی اطلاع دی ہے۔ قیمتیں، جو اس ماہ کے شروع میں ایک سال پہلے 3,000 روپے فی کوئنٹل سے کم ہو کر 2,400 روپے فی کوئنٹل پر آ گئی تھیں، اب حالیہ دنوں میں تقریباً 2,900 روپے فی کوئنٹل تک پہنچ گئی ہیں۔
