جموں//صحت اور طبی تعلیم کے ایڈیشنل چیف سیکرٹری ( اے سی ایس ) وویک بھردواج نے سرکاری ہسپتال گاندھی نگر میں فالج کی دیکھ بھال اور جراثیمی نگہداشت کیلئے تین روزہ تربیتی پروگرام کا افتتاح کیا ۔ اس موقع پر ڈائریکٹر جنرل ایم سی ایچ امیونائزیشن اینڈ فیملی ویلفئر اور ڈائریکٹر ہیلتھ سروسز جموں ڈاکٹر سلیم الرحمان موجود تھے ۔اس موقع پر بتایا گیا کہ محکمہ صحت اور طبی تعلیم ڈائریکٹوریٹ آف ہیلتھ سروسز کے تحت جموں ڈویژن کے تمام 10 اضلاع میں فالج اور جراثیمی نگہداشت کی خدمات شروع کر رہا ہے ۔ مسٹر بھردواج نے صحت کے شعبے میں ان خدمات کو شروع کرنے میں ڈائریکٹوریٹ آف ہیلتھ سروسز کے کردار کی تعریف کی ۔ انہوں نے کہا کہ زندگی کی بڑھتی ہوئی توقع اور زندگی کے آخر تک مریض کی پیش گوئی میں اس سے منسلک تبدیلیاں صحت کی دیکھ بھال کیلئے بڑے چیلنجزہیں اور یہ اہم سہولت اس طرح کے مسائل سے نمٹنے میں بے حد مدد کرے گی ۔ اس موقع پر ڈاکٹر رحمان نے کہا کہ یہ ہسپتال اس وقت جموں و کشمیر کا واحد ڈسٹرکٹ ہسپتال ہے جس نے فالج کی دیکھ بھال کیلئے پہلا رجسٹرڈ میڈیکل سنٹر ہونے کیلئے کوالیفائی کیا ہے ۔ انہوں نے کہا کہ ڈویژن کے ہر ڈسٹرکٹ ہسپتال کو جلد ہی یہ سروس فراہم کر دی جائے گی ۔ تین روزہ تربیتی پروگرام انڈین ایسوسی ایشن آف پیلیٹو کئیر ( آئی اے پی سی ) کے تعاون سے ڈاکٹر سشما بھٹناگر ایچ او ڈی پین اینڈ پیلیٹوکئیر ایمس نئی دہلی کی نگرانی میں منعقد کیا جا رہا ہے اس کے علاوہ جموں کے ہر ضلع سے دو ڈاکٹروں اور نرسوں کو تربیت دینے کیلئے ملک کے مختلف حصوں سے فیکلٹی تربیتی پروگرام میں شرکت کر رہی ہے ۔ یہ جموں و کشمیر میں اپنی نوعیت کا پہلا تربیتی پروگرام ہے ۔ ڈاکٹر سشما بھٹناگر نے تقریب کے دوران اے سی ایس وویک بھردواج کو رجسٹریشن کا سرٹیفکیٹ حوالے کیا ۔میڈیکل سپرانٹنڈنٹ گورنمنٹ ہسپتال گاندھی نگر جموںڈاکٹر نریندر بھٹیانے شکریہ کی تحریک پیش کی۔
