اسکولوں اور دفاتر کے اوقات کار میں تبدیلی ٹریفک جام کی بڑی وجہ

عوام روزانہ کی بنیاد پر اپنی گاڑیاں لے جانے کی بجائے نجی گاڑیاں شیئر کریں/ ایس ایس پی ٹریفک

سرینگر / سی این آئی // بدلتے موسم کے علاوہ اسکولوں اور دفاتر کے اوقات کار میں تبدیلی کو شہر سرینگر میں ٹریفک جام کی بڑی وجہ قرار دیتے ہوئے ایس ایس پی ٹریفک سرینگر سٹی نے کہا کہ ہم لوگوں کیلئے آسانیاں پیدا کرنے کی کوشش کرتے ہیں۔ جہاں بھی ہمیں لگتا ہے کہ ٹریفک بہت بڑھ گئی ہے ہم ان جگہوں پر افرادی قوت بڑھاتے ہیں۔سی این آئی کے مطابق سرینگر شہر میں مسلسل ٹریفک جام کے درمیان ٹریفک پولیس نے اس افراتفری کو بدلتے موسموں کے علاوہ اسکول اور دفتر کے اوقات میں تبدیلی کو ذمہ دار ٹھہرایا ہے۔سینئر سپرنٹنڈنٹ آف پولیس ٹریفک (سٹی) اعجاز احمد بٹ نے میڈیا کے نمائندوں سے خطاب کرتے ہوئے شہر میں ٹریفک جام کا اعتراف کرتے ہوئے اس کا ذمہ دار خزاں کے موسم کو ٹھہرایا اور کہا کہ دن کم ہو گئے ہیں جبکہ امتحانات کے علاوہ سکول اور دفاتر کے اوقات میں تبدیلی سے شہر بھر میں ٹریفک جام میں اضافہ ہوتا ہے۔ایس ایس پی ٹریفک سٹی نے کہا کہ موسم خزاں کی وجہ سے دن چھوٹے ہو گئے ہیں۔ انہوں نے کہا ’’ پہلے ہم صبح 8 بجے سے 11 بجے تک کام کرتے تھے کیونکہ ہماری ٹریفک تین گھنٹے تک پھیلی ہوتی تھی اب یہ صرف دو گھنٹے تک نچوڑی گئی ہے۔ آج ہر کوئی 9 سے 11 بجے تک گھر سے نکلتا ہے اور اپنی منزل پر پہنچنا چاہتا ہے‘‘۔ان کا کہنا تھا کہ گرمیوں میں شام کو تین سے چار گھنٹے کی کھڑکی ملتی ہے جو بھی صرف دو گھنٹے رہ گئی ہے۔انہوں نے کہا ’’ہر کوئی اپنے دفاتر سے 3 سے 5 بجے تک نکلتا ہے اور 5 یا 6 بجے تک گھر پہنچنا چاہتا ہے۔ اس کی وجہ سے ٹریفک بہت بڑھ گئی ہے۔ اس لیے میری درخواست ہے کہ لوگ ٹریفک کی افراتفری کو کم کرنے کے لیے پبلک ٹرانسپورٹ کا استعمال کریں۔ ‘‘ انہوں نے کہا کہ لوگوں کو اپنی پرائیویٹ گاڑیوں میں سفر کرنے سے گریز کرنا چاہیے تاکہ اکثر ٹریفک جام میں پھنسنے سے بچا جا سکے۔ایس ایس پی نے کہا ’’ ہم لوگوں کے لیے آسانیاں پیدا کرنے کی کوشش کرتے ہیں۔ جہاں بھی ہمیں لگتا ہے کہ ٹریفک بہت بڑھ گئی ہے، ہم ان جگہوں پر افرادی قوت بڑھاتے ہیں‘‘۔انہوں نے کہا ’’ اسکول کے اوقات میں تبدیلی اور جاری امتحانات ٹریفک جام میں اضافہ کرتے ہیں۔ ہمیں یہ بھی احساس ہے کہ لوگوں کو ان دنوں مسائل کا سامنا ہے۔ ‘‘ انہوں نے کہا کہ عوام روزانہ کی بنیاد پر اپنی گاڑیاں سڑکوں پر لے جانے کی بجائے نجی گاڑیاں شیئر کریں۔انہوں نے کہا کہ اگر لوگ وقت پر اپنی منزلوں پر پہنچنا چاہتے ہیں تو انہیں خود سوچنا ہو گا۔ انہیں اپنی گاڑیاں مرکزی سڑکوں پر پارک کرنے سے بھی گریز کرنا چاہیے۔رامباغ سے نٹی پورہ تک ٹریفک جام کے بارے میں، ایس ایس پی ٹریفک نے کہا کہ نٹی پورہ سے رام باغ کی طرف آنے والی ٹریفک دودھ گنگا سڑک سے گزرتی ہے۔انہوں نے یہ بھی کہا کہ حکام 11 میٹر سمارٹ سٹی بسوں سے نو میٹر بسوں میں منتقل کرنے پر غور کر رہے ہیں۔انہوں نے کہا ’’ہم اس مسئلے سے آگاہ ہیں کہ ان بسوں کو مختلف مقامات پر یو ٹرن لینے کے دوران مسائل کا سامنا کرنا پڑتا ہے، جس کی وجہ سے ٹریفک کا ہجوم ہوتا ہے۔ گنجائش کم ہو جائے گی، لیکن ان بسوں کی تعداد میں اضافہ کیا جائے گا۔ حکومت اس بارے میں سوچ رہی ہے‘‘۔انہوں نے کہا کہ آئی ٹی ایم ایس کو نومبر کے آخر تک مکمل طور پر فعال کر دیا جائے گا۔