یروشلم/ایجنسیز// خبر رساں ایجنسی وافا کے مطابق اسرائیلی آبادکاروں نے جمعرات کو یروشلم کے مغربی حصے کے ایک محلے عین کارم میں چرچ آف دی وزٹیشن میں ہنگامہ آرائی کرتے ہوئے اسے نقصان پہنچایا۔ فلسطینی اتھارٹی کی یروشلم گورنری نے اطلاع دی ہے کہ انتہا پسندوں نے عین کارم میں چرچ کی دیواروں اور کھڑی گاڑیوں کو نقصان پہنچایا جو 1948 سے پہلے ایک فلسطینی گاؤں تھا۔تصاویر میں کیتھولک چرچ کی بیرونی دیوار کے قریب عبرانی میں سرخ سپرے پینٹ میں لکھا گیا: “انتقام،” “اسرائیل کا بادشاہ داؤد زندہ ہے اور برداشت کرتا ہے” اور “(یہودی) مسیحا یہاں ہے!۔ٹائمز آف اسرائیل کے مطابق اسرائیلی پولیس نے ’’قوم پرست گریفٹی‘‘ کی تحقیقات کرنے کا اعلان کیا اور عمارت کو نقصان پہنچانے والوں کا سراغ لگانے کے لیے شواہد جمع کرنا شروع کر دیئے ہیں۔
